ପୁଣି ଆଜି ଗୃହରେ କେନ୍ଦ୍ରୀୟ ଅବହେଳା ପ୍ରସଙ୍ଗ ଉଠିଛି
ପୁଣି ଆଜି ଗୃହରେ କେନ୍ଦ୍ରୀୟ ଅବହେଳା ପ୍ରସଙ୍ଗ ଉଠିଛି
admin
2139
ଭୁବନେଶ୍ୱର: ଆଜି ଗୃହରେ କେନ୍ଦ୍ରୀୟ ଅବହେଳା ପ୍ରସଙ୍ଗ ପୁଣି ଉଠିଛି । ମହାନଦୀ ବିବାଦ ନେଇ ସିଡବ୍ଲୁ୍ୟସି ବିଭିନ୍ନ ପ୍ରକଳ୍ପକୁ ଅନୁମୋଦନ ଦେଉନଥିବା ଅଭିଯୋଗ ହୋଇଛି । ବିଜେଡି ବିଧାୟକ ପ୍ରଦୀପ ଅମାତ ଗୃହରେ ଏଭଳି ଅଭିଯୋଗ ଉଠାଇଛନ୍ତି ।
ସେ କହିଛନ୍ତି ଯେ, ହୀରକୁଦର ଉପର ମୁଣ୍ଡରେ ବିବାଦ ଅଛି, ତଳମୁଣ୍ଡରେ ବିବାଦ ନାହିଁ । ବୌଦ୍ଧ ଜିଲ୍ଲାର ୨ଟି ପ୍ରକଳ୍ପକୁ କାହିଁକି ବନ୍ଦ କରାଯାଇଛି ବୋଲି ଶ୍ରୀ ଅମାତ ପ୍ରଶ୍ନ କରିଛନ୍ତି । ସିଡବ୍ଲୁ୍ୟସି ସତୀଘାଟ ଲକ୍ଷ୍ମୀପଦର ପ୍ରକଳ୍ପ ଫେରାଇ ଦେଇଛନ୍ତି ବୋଲି ଶ୍ରୀ ଅମାତ କହିଛନ୍ତି ।
ତେବେ ପ୍ରଦୀପ ଅମାତଙ୍କ ପ୍ରଶ୍ନର ଉତ୍ତର ରଖି ମନ୍ତ୍ରୀ ରଘୁନନ୍ଦନ ଦାସ କହିଛନ୍ତି ଯେ, ସିଡବ୍ଲୁ୍ୟସି ସ୍ଥଗିତ ରଖିଛନ୍ତି, ଟ୍ରିବୁନାଲର ଆଦେଶ ପର୍ଯ୍ୟନ୍ତ ସ୍ଥଗିତ ଅଛି । ବିଭାଗ ସିଡବ୍ଲୁ୍ୟସି ସହ ଯୋଗାଯୋଗରେ ଅଛି ବୋଲି ମନ୍ତ୍ରୀ ରଘୁନନ୍ଦନ ଦାସ କହିଛନ୍ତି ।
