ପୁଡୁଚେରୀରେ ଭାଙ୍ଗିଲା ନାରାୟଣସାମୀ ସରକାର
ପୁଡୁଚେରୀରେ ଭାଙ୍ଗିଲା ନାରାୟଣସାମୀ ସରକାର
admin
4713
ନୂଆପିଲ୍ଲୀ : ପୁଡୁଚେରୀରେ ଭି. ନାରାୟଣସାମୀଙ୍କ କଂଗ୍ରେସ ସରକାର ଭାଙ୍ଗିଯାଇଛି । ବିଧାନସଭାରେ ଆସ୍ଥା ଭୋଟରେ ମୁଖ୍ୟମନ୍ତ୍ରୀ ନାରାୟଣସାମୀ ହାରିଯାଇଛନ୍ତି । କକ୍ଷତ୍ୟାଗ ତ୍ୟାଗ ଗଲେ ମୁଖ୍ୟମନ୍ତ୍ରୀ ଓ ସମର୍ଥକ ବିଧାକୟ । ସରାକର ଆସ୍ଥା ଭୋଟରେ ପରାସ୍ତ ହୋଇଛି ବୋଲି ବାଚସ୍ପତି ଘୋଷଣା କରିଛନ୍ତି । ନାରାୟଣସାମୀ ପୁଡୁଗେରୀ ଉପରାଜ୍ୟପାଳଙ୍କୁ ଭେଟିବାକୁ ଯାଉଛନ୍ତି ।
ମୁଖ୍ୟମନ୍ତ୍ରୀ ଭି. ନାରାୟଣସ୍ବାମୀଙ୍କ ନେତୃତ୍ବ ପୁଡୁଚେରୀର କଂଗ୍ରେସ ସରକାର ସୋମବାର ବିଧାନସଭାରେ ଆସ୍ଥା ଭୋଟର ପ୍ରମାଣ ଦେଇଥିଲେ। ବିରୋଧୀଙ୍କ ଅଭିଯୋଗ କ୍ରମେ ଉପ-ରାଜ୍ୟପାଳ ତାମିଲସାଇ ସୁନ୍ଦରରାଜନ ବିଧାନସଭାରେ ସଂଖ୍ୟା ଗରିଷ୍ଠତାର ପ୍ରମାଣ ଦେବାକୁ ମୁଖ୍ୟମନ୍ତ୍ରୀଙ୍କୁ ନିର୍ଦେଶ ଦେଇଥିଲେ। ତେବେ ଏହି ସଂଖ୍ୟା ଗରିଷ୍ଠତାର ପ୍ରମାଣର ଦିନକ ପୂର୍ବରୁ ଶାସକ ମେଣ୍ଟରୁ ୨ଜଣ ବିଧାୟକ ଇସ୍ତଫା ଦେଇଛନ୍ତି। ଉଭୟ କଂଗ୍ରେସ ଓ ଡିଏମ୍କେର ଜଣେ ଲେଖାଏଁ ବିଧାୟକ ନିଜ ପଦରୁ ଇସ୍ତଫା ଦେଇଥିଲେ। ରବିବାର କଂଗ୍ରେସ ବିଧାୟକ କେ ଲକ୍ଷ୍ମୀନାରାୟଣ ପ୍ରଥମେ ବାଚସ୍ପତି ଭିପି ଶିବକୋଲୁନ୍ଧୁଙ୍କୁ ତାଙ୍କ ବାସଭବନରେ ଭେଟି ନିଜର ଇସ୍ତଫା ପତ୍ର ଦେଇଥିଲେ। ଲକ୍ଷ୍ମୀନାରାୟଣ ବିଧାୟକ ପଦରୁ ଇସ୍ତଫା ଦେବା ସହିତ କଂଗ୍ରେସ ସଦସ୍ୟ ପଦରୁ ମଧ୍ୟ ଇସ୍ତଫା ଦେଇଥିବା କହିଥିଲେ। ଇସ୍ତଫା ଦେବା ପରେ ଲକ୍ଷ୍ମୀନାରାୟଣ ସାମ୍ବାଦିକଙ୍କୁ କହିଥିଲେ ଯେ ପୁଡୁଚେରୀର କଂଗ୍ରେସ ନେତୃତ୍ବ ମେଣ୍ଟ ସରକାର ସଂଖ୍ୟାଲଘୁ ହୋଇପଡିଛି। ଲକ୍ଷ୍ମୀନାରାୟଣଙ୍କ ପରେ ଡିଏମ୍କେର ବିଧାୟକ ଭେଙ୍କଟେଶ ତାଙ୍କ ପଦରୁ ଇସ୍ତଫା ଦେଇଥିଲେ। ଭେଙ୍କଟେଶ ମଧ୍ୟ ବାଚସ୍ପତିଙ୍କୁ ତାଙ୍କ ବାସଭବନରେ ଭେଟି ନିଜ ଇସ୍ତଫା ପତ୍ର ଦେଇଥିଲେ। ତେବେ ଭେଙ୍କଟେଶ ବିଧାୟକ ପଦରୁ ଇସ୍ତଫା ଦେଇଥିବାବେଳେ ଦଳ ସହିତ ରହିଥିଲେ। ପୁଡୁଚେରୀରେ କଂଗ୍ରେସ, ଡିଏମ୍କେ ଓ ଜଣେ ସ୍ବାଧୀନ ବିଧାୟକଙ୍କୁ ନେଇ ମେଣ୍ଟ ସରକାର ଚାଲିଥିଲା।
