ନର୍ସ ପ୍ରଫୁଲ୍ଲିତ ପିଟର ଗୋଟିଏ ଫୁସଫୁସ ଥିବା ସତ୍ତ୍ୱେ କରୋନାଠୁ ବିଜୟ ଲାଭ କଲେ
ନର୍ସ ପ୍ରଫୁଲ୍ଲିତ ପିଟର ଗୋଟିଏ ଫୁସଫୁସ ଥିବା ସତ୍ତ୍ୱେ କରୋନାଠୁ ବିଜୟ ଲାଭ କଲେ
admin
6175
ଭୋପାଳ: ସାଧାରଣତଃ କରୋନା ଭାଇରସ ଜଣେ ବ୍ୟକ୍ତିଙ୍କ ଫୁସଫୁସକୁ ପ୍ରଥମେ ସଂକ୍ରମିତ କରିଥାଏ । ତେବେ ମଧ୍ୟପ୍ରଦେଶର ଜଣେ ନର୍ସ ପ୍ରଫୁଲ୍ଲିତ ପିଟର ଗୋଟିଏ ଫୁସଫୁସ ଥିବା ସତ୍ତ୍ୱେ କରୋନାକୁ ମାତ ଦେବାରେ ସଫଳ ହୋଇଛନ୍ତି । ୩୯ ବର୍ଷୀୟା ପ୍ରଫୁଲ୍ଲିତ ଛୋଟବେଳକୁ ତାଙ୍କର ଗୋଟିଏ ଫୁସଫୁସ ହରାଇଥିଲେ । ଦୁର୍ଘଟଣାରେ ଗୋଟିଏ ଫୁସଫୁସ ନଷ୍ଟ ହୋଇଯାଇଥିବାରୁ ଡାକ୍ତରମାନେ ତାକୁ ବାହାର କରିଦେଇଥିଲେ । ତେବେ ୨୦୧୪ ରେ ଥରେ ସେ ଏକ୍ସରେ କରିବା ପରେ ହିଁ ଏ ସମ୍ପର୍କରେ ଜାଣିବାକୁ ପାଇଥିଲେ । ତାଙ୍କୁ କିଛି ସପ୍ତାହ ତଳେ ଟିକମଗଡ଼ ହସ୍ପିଟାଲ କୋଭିଡ ୱାର୍ଡରେ ମୁତୟନ କରାଯାଇଥିଲା । ସେଠାରେ ହିଁ ସେ କରୋନା ଦ୍ୱାରା ସଂକ୍ରମିତ ହୋଇଥିଲେ । ପ୍ରଫୁଲ୍ଲିତ କରୋନା ପଜିଟିଭ ଭାବେ ଚିହ୍ନଟ ହେବା ପରେ ତାଙ୍କ ପାଇଁ ଏହି ଲଢେ଼ଇ କଷ୍ଟକର ହେବ ବୋଲି ସମସ୍ତେ ମନେ କରିଥିଲେ । ସେ କିନ୍ତୁ ଘରେ ୧୪ ଦିନ ଆଇସୋଲେସନରେ ରହି ଏହି ମହାମାରୀକୁ ମାତ ଦେଇଛନ୍ତି । ସୁସ୍ଥ ହେବା ପରେ ପ୍ରଫୁଲ୍ଲିତ କହିଛନ୍ତି ‘ହୋମ ଆଇସୋଲେସନରେ ଥିବା ବେଳେ ମୁଁ ଧୈର୍ଯ୍ୟ ହରାଇନଥିଲି । ନିୟମିତ ଭାବେ ଯୋଗ, ପ୍ରାଣାୟମ, ଶ୍ୱାସକି୍ରୟାକୁ ଠିକ କରିବାକୁ ବିଭିନ୍ନ ବ୍ୟାୟାମ ଜାରି ରଖିଥିଲି ।
