ତେଲେଙ୍ଗାନାରେ ଫସିଛନ୍ତି ଓଡିଆ ଶ୍ରମିକ ।
ତେଲେଙ୍ଗାନାରେ ଫସିଛନ୍ତି ଓଡିଆ ଶ୍ରମିକ ।
admin
6695
ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ଥାନା ଅନ୍ତର୍ଗତ କୁଲିଆରୀ ଗ୍ରାମର ଶ୍ରମିକ ମାନେ ଇଟାଗଢି ଯାଇ ତେଲେଙ୍ଗାନା ରାଜ୍ୟରେ ଫସି ଯାଇଛନ୍ତି । ସୂଚନା ଅନୁସାରେ କୁଲିଆରୀ ଗ୍ରାମର ସୁଦାମ ବିଭାର, ଶୁଭକେଶୀ ବିଭାର, ସୁବଳ ବିଭାର,ନନ୍ଦିନୀ ଦୀପ,ଦର୍ଶନ କଲେତ, ସୁଭଦ୍ରା କଲେତ,ଶୌକି ତାଣ୍ଡି, ନୀଲା ତାଣ୍ଡି,ଶାନ୍ତି ତାଣ୍ଡି ସମେତ ସପରିବାର ତେଲେଙ୍ଗାନା ରାଜ୍ୟର କାମରେଡି ଜିଲ୍ଲା କାମରେଡି ଗ୍ରାମରେ ଇଟା ଗଢିବାକୁ ଯାଇଥିଲେ । ମାଲିକ ମାଲତୀ ବେହେରା, ସୀତାରାମ ବେହେରା ସେଠାରେ କାମ କରିବା ସତ୍ତ୍ବେ ଶ୍ରମିକ ମାନଙ୍କୁ ଠିକ୍ ଭାବେ ଖାଦ୍ୟପେୟ ନ ଦେଇ ବିଭିନ୍ନ ପ୍ରକାର ନିର୍ୟ୍ୟାତନା ଦେଉଥିବା ଖବର ମିଳିଛି । ଶ୍ରମିକ ମାନଙ୍କର ଉଚିତ ପ୍ରାପ୍ୟ ନ ଦେଇ ବିନା ବିଶ୍ରାମରେ ଅହରହ ଖଟାଉ ଥିବାର ସୂଚନା ମିଳିଛି । ଏନେଇ
ଜିଲ୍ଲା ପ୍ରଶାସନକୁ ଜଣାଇଥିବାର ସତ୍ତ୍ୱେ ଆଜି ପର୍ୟ୍ୟନ୍ତ ତାଙ୍କୁ ଉଦ୍ଧାର କରାଯାଇନାହିଁ । ଜିଲ୍ଲା ପ୍ରଶାସନ ତେଲେଙ୍ଗାନାର ଲିଆସେନିଙ୍ଗ ଅଫିସ ଟି ରମେଶଙ୍କୁ ଉଦ୍ଧାର କରିବା ପାଇଁ ଜଣାଇଥିଲେ ମଧ୍ୟ ଆଜି ପର୍ୟ୍ୟନ୍ତ ସୁଫଳ ମିଳି ନାହିଁ । ଏଣୁ ଶ୍ରମିକଙ୍କ ପରିବାର ପକ୍ଷରୁ ସେମାନଙ୍କୁ ଉଦ୍ଧାର ପାଇଁ ଦାବି କରାଯାଇଛି ।
