ଡିଆରଡିଓ ଦ୍ୱାରା ବିକଶିତ କରୋନା ନିରୋଧୀ ଔଷଧକୁ ମଂଜୁରୀ
ଡିଆରଡିଓ ଦ୍ୱାରା ବିକଶିତ କରୋନା ନିରୋଧୀ ଔଷଧକୁ ମଂଜୁରୀ
admin
3923
ଭୁବନେଶ୍ୱର : ସାରା ଦେଶରେ କରୋନା ଭୟଙ୍କର ଭାବେ ମାଡ଼ିଚାଲିଛି । ଯାହା ଏବେ ସମସ୍ତଙ୍କ ନିଦ ହଜାଇ ଦେଇଛି । ସେହିପରି କରୋନା ଟିକା ଅଭାବ ବି ଟେନସନ ବଢ଼ାଇଦେବା ସ୍ୱାଭାବିକ । ଏସବୁ ଭିତରେ ଏକ ଭଲ ଖବର ସାମ୍ନାକୁ ଆସିଛି । ଡିଆରଡିଓ ଦ୍ୱାରା ବିକଶିତ କରୋନା ନିରୋଧୀ ଔଷଧକୁ ମଂଜୁରୀ ମିଳିଛି । ଜରୁରୀକାଳୀନ ଭାବେ ଏହାକୁ ବ୍ୟବହାର କରାଯାଇପାରିବ ।
ଡିଆରଡିଓ ପକ୍ଷରୁ କରୋନା ଔଷଧ ନେଇ ଗବେଷଣା କରାଯାଇଥିଲା । ତେବେ ଏହା ଏକ ଟିକା ନୁହେଁ । ଏହି ଔଷଧ ସାକେଟରେ ମିଳିବ । ତାହାକୁ ପାଣିରେ ଗୋଳେଇ ରୋଗୀଙ୍କୁ ପିଆଯାଇପାରିବ । ଡିଜିସିଆଇ ଏହି ଔଷଧକୁ ଜରୁରୀକାଳୀନ ଭାବେ ବ୍ୟବହାର କରିବା ନିମନ୍ତେ ମଂଜୁରୀ ପ୍ରଦାନ କରିଛନ୍ତି ।
ଡିଆରଡିଓ ଲାବ ଏବଂ ଡକ୍ଟ ରେଡ୍ଡୀ ଲାବରେ ବିକଶିତ ଏହି ଔଷଧର ନାମ ହେଉଛି ୨ ଡିଓକ୍ସି ଡି ଗ୍ଲୁକୋଜ (୨-ଡିଜି) । କ୍ଳିନିକାଲ ଟ୍ରାଏଲରେ ଏହା ଫଳପ୍ରଦ ହୋଇଥିବାରୁ ଏହାକୁ ମଂଜୁରୀ ମିଳିଛି । ଗତବର୍ଷ ମେ’ ଓ ଅକ୍ଟୋବରରେ ଏହି ଟିକାର ଦ୍ୱିତୀୟ ପର୍ଯ୍ୟାୟ ପରୀକ୍ଷଣ କରାଯାଇଥିଲା । ସେହିପରି ଛଅଟି ହସପିଟାଲରେ ଏହାର ତୃତୀୟ ପର୍ଯ୍ୟାୟ ପରୀକ୍ଷଣ ହୋଇଥିଲା ।
ଗୋଟିଏ ପଟେ କେନ୍ଦ୍ର ସରକାର ୪୫ରୁ ଉଦ୍ଧ୍ୱର୍ ବୟସ୍କମାନଙ୍କୁ ମାଗଣାରେ ଟିକା ଦେବା ପାଇଁ ଘୋଷଣା କରିଛନ୍ତି । ଅପରପକ୍ଷରେ ୧୮ରୁ ୪୪ ବର୍ଷର ଲୋକଙ୍କୁ ମାଗଣାରେ ଟିକା ଦେବାକୁ ଓଡ଼ିଶା ସରକାର ମଧ୍ୟ ଘୋଷଣା କରିଛନ୍ତି । ତେବେ ଟିକା ଉପôାଦନ ପର୍ଯ୍ୟାପ୍ତ ମାତ୍ରାରେ ହୋଇପାରୁନଥିବାରୁ ତାହା ଚିନ୍ତାର କାରଣ ପାଲଟିଛି ।
