ଗଳାକାଟି ବୃଦ୍ଧ ଦମ୍ପତିଙ୍କୁ ହତ୍ୟା

Sep 22, 2020 - 07:03 Updated: Sep 22, 2020 - 07:03

5714

କୋଇଡା: ସୁନ୍ଦରଗଡ଼ ଜିଲ୍ଲା କୋଇଡା ବ୍ଲକର କେ.ବଲାଙ୍ଗ ଥାନା ଅନ୍ତର୍ଗତ ଲଙ୍ଗଳକଟା ଗାଁରେ ଏକ ଜଘନ୍ୟ ହତ୍ୟାକାଣ୍ଡ ଘଟିଛି । ଦୁର୍ବୃତ୍ତମାନେ ଏକ ବୃଦ୍ଧ ଦମ୍ପତିଙ୍କ ଗଳାକାଟି ହତ୍ୟା କରିବା ସହିତ ଦିନ ଦ୍ୱିପହରରେ ଫେରାର ହୋଇଯାଇଛନ୍ତି । ଗୁଣିଗାରେଡ଼ି ସନେ୍ଦହରେ ଏହି ହତ୍ୟାକାଣ୍ଡ ଘଟିଥିବା କୁହାଯାଉଛି । ଦିନ ଦ୍ୱିପହରରେ ମଗଦଲି ମୁଣ୍ଡା (୬୪) ଓ ତାଙ୍କ ସ୍ୱାମୀ ପାରୁ ମୁଣ୍ଡା (୬୮) ଘରେ ଏକୁଟିଆ ଥିଲେ । ଦମ୍ପତିଙ୍କ ତିିନି ପୁଅ ଦାଦନ ଖଟିବା ପାଇଁ ବାହାରକୁ ଯାଇଥିବା ବେଳେ ଘରେ ଥିବା ଜଣେ ବୋହୂ ଦିନ ୧୧ଟାରୁ ଗାଈ ଚରାଇବାକୁ ଯାଇଥିଲେ । ସେ ସନ୍ଧ୍ୟା ୫ଟା ପାଖାପାଖି ଘରକୁ ଫେରି ଶାଶୁ ଓ ଶ୍ୱଶୁରଙ୍କ ମୃତଦେହ ପଡ଼ିଥିବା ଦେଖିଥିଲେ । ବେକ କଟା ହୋଇଥିବାରୁ ଦୁହିଁଙ୍କୁ ହତ୍ୟା କରାଯାଇଥିବା ଜାଣିବାକୁ ପାଇଥିଲେ । ପରେ ସେ ଘଟଣା ସମ୍ପର୍କରେ ନିଜ ସ୍ୱାମୀଙ୍କୁ ଜଣାଇଥିଲେ । ପୁଅ କେ.ବଲାଙ୍ଗ ଥାନାରେ ପହଞ୍ଚି ଘଟଣା ସମ୍ପର୍କରେ ଏତଲା ଦେଇଥିଲେ ।