ଓଡିଶା ରାଜନୀତିରେ ପ୍ରଥମ ଥର : ଧାରଣାରତ ବିଜେପି ସଦସ୍ୟଙ୍କ ପାଖକୁ ମୁଖ୍ୟମନ୍ତ୍ରୀ ଆସିଛନ୍ତି
ଓଡିଶା ରାଜନୀତିରେ ପ୍ରଥମ ଥର : ଧାରଣାରତ ବିଜେପି ସଦସ୍ୟଙ୍କ ପାଖକୁ ମୁଖ୍ୟମନ୍ତ୍ରୀ ଆସିଛନ୍ତି
admin
4673
ଭୁବନେଶ୍ୱର: ଓଡିଶା ରାଜନୀତିରେ ପ୍ରଥମ ଥର ପାଇଁ ଏକ ଅଭାବନୀୟ ଘଟଣା ଘଟିଛି । ତାହା ହେଲା ବିରୋଧୀ ଦଳର ସଦସ୍ୟ ବିଧାନସଭାରୁ ନବୀନ ନିବାସ ଆସି ସେଠାରେ ଧାରଣା ଦେବା ଓ ଏହାପରେ ମୁଖ୍ୟମନ୍ତ୍ରୀ ନବୀନ ନିବାସରୁ ବାହାରି ଧାରଣାକାରୀଙ୍କ ସହ ଆଲୋଚନା କରିବା । ଖାଲି ସେତିକି ନୁହେଁ ଧାରଣାକାରୀଙ୍କୁ ନବୀନ ନିବାସକୁ ଡାକି ଆଲୋଚନା ପାଇଁ ନବୀନ ପ୍ରସ୍ତାବ ଦେବା ଭଳି ଘଟଣା ଆଜି ଘଟିଛି ।
ଧାରଣାରତ ବିଜେପି ସଦସ୍ୟଙ୍କ ପାଖକୁ ମୁଖ୍ୟମନ୍ତ୍ରୀ ଆସିଛନ୍ତି । ନବୀନ ନିବାସରୁ ବାହାରି ଗେଟ୍ ସାମ୍ନା ଧାରଣା ସ୍ଥଳକୁ ଆସି ଧାରଣାରତ ବିଜେପି ସଦସ୍ୟଙ୍କ ସହ କଥା ମଧ୍ୟ ହୋଇଛନ୍ତି । ଭିତରକୁ ଯାଇ ଆଲୋଚନା କରିବାକୁ ଧାରଣାରତଙ୍କୁ ମୁଖ୍ୟମନ୍ତ୍ରୀ ଡାକିଛନ୍ତି ।
ପ୍ରକାଶଯେ, ଗତ କିଛିଦିନ ହେଲା ବିଧାନସଭା ଭିତରେ ହାଇଡ୍ରାମା ଚାଲିଥିବାବେଳେ ଏବେ ବିଧାନସଭା ବାହାରେ ବି ସେହିଭଳି ହାଇଡ୍ରାମା ଦେଖିବାକୁ ମିଳିଛି । ଆଜି ବାଚସ୍ପତି ଗୃହକୁ ଅପରାହ୍ନ ୪ଟା ପର୍ଯ୍ୟନ୍ତ ମୁଲତବି କରିଥିବାବେଳେ ବିଜେପି ସଦସ୍ୟମାନେ ନିବୀନ ନିବାସ ଅଭିମୁଖେ ଯାତ୍ରା କରିଥିଲେ । ଅନ୍ୟପକ୍ଷରେ ବିଜେଡି ସସଦସ୍ୟମାନେ ମଧ୍ୟ ବିଜେପି ସଦସ୍ୟଙ୍କ ସହ ନବୀନ ନିବାସ ଅଭିମୁଖେ ଯାଇଥିଲେ । ସେହିପରି ବିଜେପି ସଦସ୍ୟଙ୍କୁ ସ୍ୱାଗତ କରିବା ପାଇଁ ବିଜେଡିର ମହିଳା କର୍ମୀମାନେ ନବୀନ ନିବାସ ପାଖରେ ଉପସ୍ଥିତଥିଲେ।
ବିଧାନସଭା ଅଚଳ ପ୍ରସଙ୍ଗକୁ ନେଇ ମୁଖ୍ୟମନ୍ତ୍ରୀଙ୍କୁ ବିଜେପି ସଦସ୍ୟ ଭେଟିବାକୁ ଯାଇଥିଲେ। ବିଧାନସଭାରୁ ଏକ ଶୋଭାଯାତ୍ରାରେ ବାହାରି ବିଜେପି ବିଧାୟକ ଯାଇଥିଲେ । ବିରୋଧୀ ଦଳ ନେତାଙ୍କ ନେତୃତ୍ୱରେ ହାତରେ ପ୍ଲାକାର୍ଡ ଧରି ଯାତ୍ରା ଆରମ୍ଭ କରିଥିଲେ । ମୁଖ୍ୟମନ୍ତ୍ରୀ କେଉଁଠି ଅଛନ୍ତି, ଖୋଜିବାକୁ ଯାଉଛୁୁ ବୋଲି କହିଥିଲେ ଜୟନାରାୟଣ । ତାଙ୍କୁ ଖୋଜିବୁ, ଯେଉଁଠି ପାଇବୁ, ପଚାରିବୁ କହିଥିଲେ ଜୟନାରାୟଣ । ରାଜନୈତିକ କାର୍ଯ୍ୟରେ ମୁଖ୍ୟମନ୍ତ୍ରୀ ରାଜ୍ୟ ବୁଲୁଛନ୍ତି, ବିଧାନସଭା କାହିିଁକି ଆସୁନାହାଁନ୍ତି ବୋଲି ଜୟନାରାୟଣ କହିଥିଲେ ।
