ଆରଟିଆଇ ତଥ୍ୟ ନଦେଲେ କଡା କାର୍ଯ୍ୟାନୁଷ୍ଠାନ
ଆରଟିଆଇ ତଥ୍ୟ ନଦେଲେ କଡା କାର୍ଯ୍ୟାନୁଷ୍ଠାନ
admin
3546
ଭୁବନେଶ୍ୱର ଅଧିକାଂଶ ଅଫିସର ନିର୍ଦ୍ଧାରିତ ସମୟ ସିମା ମଧ୍ୟରେ ଜାଣିଶୁଣି ତଥ୍ୟ ଦିଅନ୍ତି ନାହିଁ । ତଥ୍ୟ ନଦେବା ପାଇଁ ବିଭିନ୍ନ ଆଳ ଦେଖାଇ ଆରଟିଆଇ ମାଗିଥିବା ବ୍ୟକ୍ତିଙ୍କୁ ବାରମ୍ବାର ଦୈାଡାଇବା ସହ ଅତ୍ୟଧିକ ଟଙ୍କା ଦାବି କରିଥାନ୍ତି । ଏହିଭଳି ଭାବରେ ଜନସାଧାରଣଙ୍କୁ ହଇରାଣ କଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ଲୋକ ସମ୍ପର୍କ ବିଭାଗ ସଚିବ ସମସ୍ତ ବିଭାଗକୁ ଚିଠି କରିଛନ୍ତି ।
ସୁଚନାମୁତାବକଯେ ଅନେକ ସମୟରେ ସୂଚନା ଅଧିକାର ଆଇନ ବଳରେ ମଗାଯାଇଥିବା ତଥ୍ୟ ପ୍ରଦାନ କରିବାରେ ବିଭାଗୀୟ ଅଧିକାରୀମାନେ ଅବହେଳା ପ୍ରଦର୍ଶନ କରି ଆସୁଥିଲେ। ଫଳରେ ଆବେଦନକାରୀ ସୂଚନା ଆୟୋଗଙ୍କ ନିକଟରେ ଫେରାଦ ହେଉଥିଲେ। ଏପରି ଅଭିେଯାଗ ତାଲିକା ଲମ୍ବି ଚାଲିଥିବାରୁ ସୂଚନା କମିଶନ ଅସନ୍ତୋଷ ବ୍ୟକ୍ତ କରିବା ସହ ଆରଟିଆଇ ସମ୍ପର୍କିତ ସମସ୍ତ ଚିଠିପତ୍ରକୁ ’ଏ’ ତାଲିକାଭୁକ୍ତ କରିବାକୁ ନିର୍ଦେଶ ଦେଇଥିଲେ। ଏହାଦ୍ବାରା କମ ସମୟ ମଧ୍ୟରେ ଆବେଦନକାରୀଙ୍କୁ ତଥ୍ୟ ପ୍ରଦାନ କରିହେବ। ଯେଉଁ ବିଭାଗ ତଥ୍ୟ ପ୍ରଦାନ କରିବାରେ ଅବହେଳା ପ୍ରଦର୍ଶନ କରିବେ ସମ୍ପୃକ୍ତ ଅଧିକାରୀଙ୍କ ବିରୋଧରେ ବିଭାଗୀୟ କାର୍ୟ୍ୟାନୁଷ୍ଠାନ ଗ୍ରହଣ କରିବାକୁ ଆୟୋଗ ନିର୍ଦେଶରେ ଉଲ୍ଲେଖ କରିଛନ୍ତି । ଏ ଦିଗରେ ସମସ୍ତ ବିଭାଗୀୟ ଅଧିକାରୀ ସଚେତନ ରହିବାକୁ ସୂଚନା ଓ ଲୋକସମ୍ପର୍କ ସଚିବଙ୍କ ଚିଠିରେ ପରାମର୍ଶ ଦିଆଯାଇଛି।
