ଆଗାମୀ ଆଇପିଏଲ ଫ୍ରାଞ୍ଚାଇଜ ପାଇଁ ନୂଆ ନିୟମ ଜାରି
ଆଗାମୀ ଆଇପିଏଲ ଫ୍ରାଞ୍ଚାଇଜ ପାଇଁ ନୂଆ ନିୟମ ଜାରି
admin
1793
ଆଇପିଏଲ ପରିଚାଳନା ପରିଷଦର ନିଷ୍ପତ୍ତି, ଖେଳାଳି ରଖିବା ଶେଷ ତାରିଖ ଜାନୁଆରୀ ୨୧, ଫେବୃୟାରୀ ୪ ସୁଦ୍ଧା କିଣାବିକା
ନୂଆଦିଲ୍ଲୀ: ଆଗାମୀ ଆଇପିଏଲ (ଇଣ୍ଡିଆନ ପି୍ରମିୟର ଲିଗ) ପୂର୍ବରୁ ୮ଟି ଯାକ ଫ୍ରାଞ୍ଚାଇଜ ପାଇଁ ପରିଚାଳନା ପରିଷଦ ନିୟମାବଳୀ ଜାରି କରିଛି । ଆଇପିଏଲ ପରିଚାଳନା ପରିଷଦର ନିଷ୍ପତ୍ତି ମୁତାବକ ଫ୍ରାଞ୍ଚାଇଜ ଗୁଡ଼ିକ କେଉଁ ଖେଳାଳିଙ୍କୁ ନିଜ ପାଖରେ ରଖିବେ ଏବଂ କାହାକୁ ଛାଡ଼ିବେ ସେମାନଙ୍କ ନାମ ଜାନୁଆରୀ ୨୧ ତାରିଖ ସୁଦ୍ଧା ତାଖଲ କରିପାରିବେ । ପୁଣି ଫ୍ରାଞ୍ଚାଇଜ ଗୁଡ଼ିକ ମଧ୍ୟରେ ଖେଳାଳି କିଣାବିକା ତଥା ଅଦଳ ବଦଳ ପ୍ରକି୍ରୟା ଫେବୃୟାରୀ ୪ ତାରିଖରୁ ବନ୍ଦ ହୋଇଯିବ । ଏ ନେଇ ଆଇପିଏଲ ଅଧ୍ୟକ୍ଷ ବି୍ରଜେଶ ପଟେଲ ସୂଚନା ଦେଇଛନ୍ତି । ପଟେଲ ଏବଂ ପରିଚାଳନା ପରିଷଦ ସଦସ୍ୟଙ୍କ ମଧ୍ୟରେ ଏକ ଭର୍ଚୁଆଲ ବୈଠକରେ ପରବର୍ତ୍ତୀ ଆଇପିଏଲ ପାଇଁ ଯୋଜନା ଓ ପ୍ରସ୍ତୁତି ଉପରେ ଆଲୋଚନା ହୋଇ ଏହି ନିଷ୍ପତ୍ତି ନିଆଯାଇଛି । ଏହା ବ୍ୟତୀତ ଚଳିତ ବର୍ଷର ସଂସ୍କରଣ ପାଇଁ ଫେବୃୟାରୀ ଦ୍ୱିତୀୟ କିମ୍ବା ତୃତୀୟ ସପ୍ତାହରେ ଏକ ମିନି ଛୋଟକାଟିଆ ଖେଳାଳି ନିଲାମ କରାଯିବ ବୋଲି ପଟେଲ କହିଛନ୍ତି । ଆଇପିଏଲ ଦଳ ଗୁଡିକ ପାଇଁ ଖେଳାଳିଙ୍କ ବାବଦରେ ଉପଲବ୍ଧ ୮୫ କୋଟି ଟଙ୍କାରେ କୌଣସି ବୃଦ୍ଧି କରାଯିବ ନାହିଁ ବୋଲି ମଧ୍ୟ ନିଷ୍ପତ୍ତି ନିଆଯାଇଛି ।
