ଆଉ ନାହିଁ ‘ସମଦୂରତା’: ନବୀନ

Apr 15, 2019 - 10:48 Updated: Apr 15, 2019 - 10:48

2771

ଭୁବନେଶ୍ୱର: ଇତିହାସ ପାଲଟିପାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମଦୂରତ୍ୱ ମନ୍ତବ୍ୟ । ସର୍ବଦା ସମଦୂରତ୍ୱ କହୁଥିବା ନବୀନଙ୍କ ମୁହଁରେ ଏବେ ଭିନ୍ନ କଥା । ‘ଇଣ୍ଡିଆ ଟୁଡେ’କୁ ସାକ୍ଷାତକାର ଦେବାବେଳେ ବଦଳିଲା ନବୀନଙ୍କ ସ୍ୱର । ପୂର୍ବରୁ ସବୁବେଳେ ସମଦୂରତ୍ୱ କଥା କହୁଥିଲେ ନବୀନ । ବିଜେପି ଓ କଂଗ୍ରେସ ଠାରୁ ଆମେ ସମଦୂରତ୍ୱ ରଖୁଥିବା କହୁଥିଲେ ନବୀନ । ବର୍ତ୍ତମାନ ଓଡ଼ିଶାର ସ୍ୱାର୍ଥ କଥା କହି ନବୀନ ବଦଳାଇଛନ୍ତି ନିଜର ସ୍ୱର । ଯିଏ ଓଡ଼ିଶାକୁ ଲାଭ ଦେବ ଆମେ ତାକୁ ସମର୍ଥନ ଦେବୁ ବୋଲି କହିଛନ୍ତି । ଯିଏ ଓଡ଼ିଶାର ସ୍ୱାର୍ଥ ପାଇଁ କାମ କରିବ ତାକୁ ସମର୍ଥନ କରିବୁ । ସିଏ ଏନଡିଏ ହେଉ, ୟୁପିଏ ବା ଯେ କେହି ହେଉ ବୋଲି ନବୀନ କହିଛନ୍ତି । କିଛି ଦିନ ତଳେ ଏନଡିଟିଭିକୁ ସାକ୍ଷାତକାରରେ ସମଦୂରତ୍ୱ ରଖୁଥିବା କହିଥିଲେ ନବୀନ ।