ଅଗ୍ନି-୫ କ୍ଷେପଣାସ୍ତ୍ରକୁ ନେଇ ବଡ ଖବର , ଜାଣନ୍ତୁ କ’ଣ
ଅଗ୍ନି-୫ କ୍ଷେପଣାସ୍ତ୍ରକୁ ନେଇ ବଡ ଖବର , ଜାଣନ୍ତୁ କ’ଣ
admin
ନୂଆଦିଲ୍ଲୀ: କିଛିଦିନ ତଳେ ଅଗ୍ନି-୫ କ୍ଷେପଣାସ୍ତ୍ରର ସଫଳ ପରୀକ୍ଷଣ କରାଯାଇଥିବା ବେଳେ ଏହାର ଲକ୍ଷ୍ୟଭେଦ କ୍ଷମତା ୫୪୦୦ କିଲୋମିଟର ବୋଲି ଦର୍ଶାଯାଇଥିଲା। ତେବେ ଆବଶ୍ୟକ ହେଲେ ଡିଆରଡିଓ ତରଫରୁ ଅଗ୍ନି-୫ର ଲକ୍ଷ୍ୟଭେଦ କ୍ଷମତାକୁ ୭ହଜାର କିଲୋମିଟର ପର୍ୟ୍ୟନ୍ତ ବଢ଼ାଇ ଦିଆଯାଇ ପାରିବ ବୋଲି ବିଶ୍ବସ୍ତ ସୂତ୍ରରୁ ପ୍ରକାଶ।
ଅଗ୍ନି-୫ର ଓଜନ କମାଇ ଦେଲେ ଏହାର ଲକ୍ଷ୍ୟଭେଦ କ୍ଷମତା ବଢ଼ିଯିବ ବୋଲି ଡିଆରଡିଓ ସୂତ୍ରରୁ ପ୍ରକାଶ। ଅଗ୍ନି-୫ରେ ଲାଗିଥିବା ଷ୍ଟିଲ୍ ବଦଳରେ ଅନ୍ୟ ହାଲୁକା ଦ୍ରବ୍ୟ ବ୍ୟବହାର ଦ୍ବାରା ଏହାର ଲକ୍ଷ୍ୟଭେଦ କ୍ଷମତା ବଢ଼ିଯିବ ଏବଂ ଏହାକୁ କରିବାକୁ ଡିଆରଡିଓ ସକ୍ଷମ ବୋଲି ଜଣାପଡ଼ିଛି। ସୂଚନାଥାଉ କି ଅଗ୍ନି-୩ର ଲକ୍ଷ୍ୟଭେଦ କ୍ଷମତା ୩ହଜାର କିଲୋମିଟର ଥିଲା। ଏହାର ଓଜନ ୪୦ ଟନ୍ ରହିଥିଲା। ପରବର୍ତ୍ତୀ ସମୟରେ ଅଗ୍ନି-୪ର ଓଜନକୁ ୨୦ ଟନ୍କୁ କମାଇ ଦିଆଯାଇଥିବା ବେଳେ ଏହାର ଲକ୍ଷ୍ୟଭେଦ କ୍ଷମତା ବଢ଼ି ଯାଇଥିଲା। ସମାନ ଜ୍ଞାନକୌଶଳକୁ ବ୍ୟବହାର କରି ଯଦି ଅଗ୍ନି-୫ର ଓଜନ ହ୍ରାସ କରାଯାଏ ତେବେ ଏହାର ଲକ୍ଷ୍ୟଭେଦ କ୍ଷମତା ବଢ଼ିଯିବ ବୋଲି ଜଣାପଡ଼ିଛି।
