ରେଲଓ୍ବେ ଟ୍ରାକ ଉପରକୁ ଚଢିଗଲା ବସ୍
admin
ସମ୍ବଲପୁର : ସମ୍ବଲପୁରରେ ରାସ୍ତାରୁ ମାଡ଼ି ଆସି ରେଲଓ୍ବେ ଟ୍ରାକ ଉପରକୁ ଚଢିଗଲା ଘରୋଇ ବସ୍ । ଦୁର୍ଘଟଣାଗ୍ରସ୍ତ ବସଟି ଟ୍ରାକ୍ ଉପରେ ରହିଯିବାରୁ ଅଟକି ରହିଲା ଟ୍ରେନ୍। ତେବେ ଦୁର୍ଘଟଣାରେ କିଛି ଯାତ୍ରୀ ଆହତ ହୋଇଥିବା ବେଳେ ହେଲପରଙ୍କ ଗୋଡ ଛିଣ୍ଡିଯାଇଥିବା ସୂଚନା ମିଳିଛି। ଏଭଳି ଦୁର୍ଘଟଣା ସମ୍ବଲପୁର ଲକ୍ଷ୍ମୀ ଡୁଙ୍ଗୁରି ନିକଟରେ ଘଟିଛି। ସ୍ଥାନୀୟଲୋକ ବସ୍ ଭିତରୁ ଯାତ୍ରୀଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲକୁ ପଠାଇଥିବା ଜଣାପଡିଛି।
ନଡିଆ ରାଣୀ ନାମକ ଏହି ବସଟି ଭୁବନେଶ୍ୱରରୁ ବରଗଡ ଅଭିମୁଖେ ଯାଉଥିଲା । ତେବେ ଭାରସାମ୍ୟ ହରାଇ ଲକ୍ଷ୍ମୀଡୁଙ୍ଗୁରି ନିକଟରେ ରାସ୍ତା କଡରେ ଥିବା ଲୁହାବାଡ଼ ଭାଙ୍ଗି ରେଳଧାରଣା ଉପରକୁ ମାଡି ଯାଇଥିବା ଦେଖିବାକୁ ମିଳିଛି । ବସ୍ଟି ଆଗ ଭାଗଟି ସମ୍ପର୍ଣ୍ଣ ଭାଙ୍ଗିଯାଇଥିଲା। ଏହି ସମୟରେ ହୀରାକୁଦ ରେଳଷ୍ଟେସନରୁ ସମ୍ବଲପୁର ଅଭିମୁଖେ ଏକ ମାଲଗାଡି ଆସୁଥିବା ବେଳେ ଲୋକୋ ପାଇଲଟ ଦୁର୍ଘଟଣା ବିଷୟରେ ସୂଚନା ପାଇ ମାଲଗାଡିକୁ ଅଟକାଇ ଦେଇଥିଲେ । ଫଳରେ ଏକ ବଡ ଦୁର୍ଘଟଣାରୁ ଅଳ୍ପକେ ବର୍ତି ଯାଇଥିଲା ।
