ଭୁବନେଶ୍ୱର : ସାଇବର ଓ ଅର୍ଥନୈତିକ ଅପରାଧ ଘଟଣାକୁ ରୋକିବା ପାଇଁ ହେଲ୍ପ ଡେକ୍ସ ଖୋଲା ଯାଇଛି । ଏଥିଲାଗି ଟୋଲ ଫ୍ରି ନମ୍ବର ମଧ୍ୟ କାର୍ଯ୍ୟ କରୁଛି । ଅପରାଧର ତଦନ୍ତ କରିବା ପାଇଁ ରାଜ୍ୟରେ ୧୪ଟି ସାଇବର ଓ ଅର୍ଥନୈତିକ ଅପରାଧ ଥାନା ରହିଛି । ଭୁବନେଶ୍ୱର, ପୁରୀ, କଟକ, ଅନୁଗୋଳ, ବ୍ରହ୍ମପୁର, ବାଲେଶ୍ୱର, କନ୍ଧମାଳ, କୋରାପୁଟ, କେନ୍ଦୁଝର, କଳାହାଣ୍ଡି, ସମ୍ବଲପୁର, ମୟୁରଭଞ୍ଜ, ବଲାଙ୍ଗିର ଓ ରାଉରକେଲା ଠାରେ ଏହି ଥାନାଗୁଡିକ କାର୍ଯ୍ୟକାରୀ କରୁଛି । ପ୍ରତିଷ୍ଠିତ ହୋଇଥିବା ସାଇବର ଓ ଅର୍ଥନୈତିକ ଅପରାଧ ଥାନାକୁ ଅନୁସନ୍ଧାନ ସମ୍ବନ୍ଧୀୟ ନୂତନ ସରଞ୍ଜାମ ଯୋଗାଇ ଦିଆଯାଇଛି । ୩୦ ଜଣ ତଦନ୍ତକାରୀ ଅଧିକାରୀଙ୍କୁ ତାଲିମ ଦିଆଯାଇଛି । ଠକେଇର ଶିକାର ହୋଇଥିବା ବ୍ୟକ୍ତି ନିର୍ଦିଷ୍ଟ ସମୟ ମଧ୍ୟରେ ଦିଆଯାଇଥିବା ହେଲ୍ପଲାଇନ୍ ନମ୍ବରରେ କଥା ହୋଇ ତଥ୍ୟ ଦେଇପାରିବେ ।
admin
