ମାଓବାଦୀମାନେ ନୂଆଗାଁ ଜଙ୍ଗଲରେ ଲଗାଇଲେ ପୋଷ୍ଟର ଓ ବ୍ୟାନର
ମାଓବାଦୀମାନେ ନୂଆଗାଁ ଜଙ୍ଗଲରେ ଲଗାଇଲେ ପୋଷ୍ଟର ଓ ବ୍ୟାନର
admin
4197
ନବରଙ୍ଗପୁର : ନବରଙ୍ଗପୁର ଜିଲ୍ଲା ରାଇଘର ଥାନା ଜୋଡେଙ୍ଗା ପଞ୍ଚାୟତ ଅନ୍ତର୍ଗତ ନୂଆଗାଁ ଜଙ୍ଗଲରେ ପୋଷ୍ଟର ଓ ବ୍ୟାନର ଲଗାଇଛନ୍ତି ମାଓବାଦୀ। ରାଇଘରରୁ କୁନ୍ଦେଇ ଯାଉଥିବା ୪୦ ନମ୍ବର ରାଜ୍ୟ ରାଜପଥ କଡ଼ରେ ମେନପୁର ଡିଭିଜନ ମାଓବାଦୀଙ୍କ ପକ୍ଷରୁ ଏହି ବ୍ୟାନର ଓ ପୋଷ୍ଟର ଲଗା ଯାଇଛି। ଏହି ବ୍ୟାନର ଓ ପୋଷ୍ଟର ମାଧ୍ୟମରେ ଆସନ୍ତାକାଲି ପର୍ୟ୍ୟନ୍ତ ମାଓବାଦୀଙ୍କ ଶହୀଦ ସପ୍ତାହକୁ ପାଳନ କରିବା, ଜଙ୍ଗଲ ଜମି ଅଧିକାର ଦାବି ଓ ମାଓ ସଙ୍ଘଠନରେ ଯୋଗ ଦେବାକୁ ଆହ୍ୱାନ କରିଛନ୍ତି ମାଓବାଦୀ।
ଗତ ୨୮ତାରିଖ ଦିନ କୁନ୍ଦେଇ ଥାନା ଅଞ୍ଚଳର ବିଭିନ୍ନ ସ୍ଥାନରେ ସୀତା ନଦୀ ଏରିଆ କମିଟି ମାଓ ସଙ୍ଘଠନ ପକ୍ଷରୁ ମାଓ ପୋଷ୍ଟର ଓ ବ୍ୟାନର ଲଗାଯାଇଥିଲା । ହେଲେ ଆଜି ମେନପୁର ଡିଭିଜନ ମାଓ ସଙ୍ଘଠନ ପକ୍ଷରୁ ଏହି ପୋଷ୍ଟର ବ୍ୟାନର ଲଗାଯାଇଛି । ତେବେ ଘଟଣାସ୍ଥଳରେ ରାଇଘର ଓ କୁନ୍ଦେଇ ପୋଲିସ ସହ ବିଏସଏଫ ପହଞ୍ଚି ମାଓ ବ୍ୟାନର ଓ ପୋଷ୍ଟର ଗୁଡିକୁ ଜବତ କରିଛି ।
