ଯୁକ୍ତ ୨ ଫର୍ମ ପୂରଣ ଅବଧି ବଢ଼ିଲା

Mar 9, 2021 - 09:22 Updated: Mar 9, 2021 - 09:22

5807

ଭୁବନେଶ୍ୱର: ଯୁକ୍ତ ୨ କଳା, ବିଜ୍ଞାନ, ବାଣିଜ୍ୟ ଓ ଧନ୍ଦାମୂଳକ ବିଭାଗର ରେଗୁଲାର, ଏକ୍ସରେଗୁଲାର ଓ କରେସପଣ୍ଡେନ୍ସ ଛାତ୍ରଛାତ୍ରୀଙ୍କ ଫର୍ମ ପୂରଣ ଲାଗି ଆଉ ଥରେ ସୁଯୋଗ ଦିଆଯାଇଛି । ଗତ ମାର୍ଚ୍ଚ ୩ ସୁଦ୍ଧା ଫର୍ମ ପୂରଣ ପ୍ରକି୍ରୟା ଶେଷ ହୋଇଥିଲା । ତେବେ ବହୁ ଛାତ୍ରଛାତ୍ରୀ ଫର୍ମ ପୂରଣ କରି ନ ପାରିଥିବା ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦୃଷ୍ଟିକୁ ଆସିବା ପରେ ପଦକ୍ଷେପ ନିଆଯାଇଛି । ଯେଉଁମାନେ ଫର୍ମ ପୂରଣ କରିପାରିନାହାନ୍ତି ସେମାନେ ଆଜି ଓ ୧୦ ତାରିଖରେ ୩୫୦ ଟଙ୍କା ଜରିମାନା ଦେଇ ଫର୍ମ ପୂରଣ କରିପାରିବେ । ଆଜି ରୁ ୧୭ ତାରିଖ ମଧ୍ୟରେ ଆନେକ୍ସ-୨, ଏସବି କଲେକ୍ଟ ଇ-ରିସିପ୍ଟ ଆଦି ଦାଖଲ କରିପାରିବେ । ଏହା ପରେ ଆଉ ଫର୍ମ ପୂରଣ ସମୟ ସୀମା ବୃଦ୍ଧି ହେବ ନାହିଁ । ତେଣୁ ଯେଉଁମାନେ ଫର୍ମ ପୂରଣ କରି ନାହାନ୍ତି ସେମାନେ ପଦକ୍ଷେପ ନେବାକୁ ପରିଷଦର ପରୀକ୍ଷା ନିୟନ୍ତ୍ରଣ କହିଛନ୍ତି ।