୨୪ ଘଣ୍ଟାରେ ଦେଶରେ ନୂତନ ୪୬୭୯୦ ଆକ୍ରାନ୍ତ,୫୮୭ ମୃତ
୨୪ ଘଣ୍ଟାରେ ଦେଶରେ ନୂତନ ୪୬୭୯୦ ଆକ୍ରାନ୍ତ,୫୮୭ ମୃତ
admin
4242
ନୂଆଦିଲ୍ଲୀ : ଦେଶରେ କରୋନା ଗ୍ରାଫ୍ ଏବେ ତଳମୁହାଁ ହୋଇଛି । ଗତ କିଛି ଦିନ ଦୈନିକ ଆକ୍ରାନ୍ତ ଓ ଦୈନିକ କରୋନା ମୃତ୍ୟୁ ସଂଖ୍ୟାରେ ହ୍ରାସ ପରିଲକ୍ଷିତ ହେଉଛି । କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭଗ ତରଫରୁ ମିଳିଥିବା ସୂଚନା ଅନୁସାରେ ଗତ ୨୪ ଘଣ୍ଟାରେ ଦେଶରେ ୪୬ ହଜାର ୭୯୦ ନୂତନ ମାମଲା ଆସିଥିବାବେଳେ ୫୮୭ ଜଣ କରୋନାରେ ମୃତ୍ୟୁବରଣ କରିଛନ୍ତି । ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା ୭୫ ଲକ୍ଷ ୯୭ ହଜାରରେ ପହଞ୍ଚିଥିବାବେଳେ କରୋନା ମୃତ୍ୟୁ ସଂଖ୍ୟା ୧ ଲକ୍ଷ ୧୫ ହଜାର ୧୯୭କୁ ବୃଦ୍ଧି ହୋଇଛି । ଏବେ ସୁଦ୍ଧା ଦେଶରେ ମୋଟ୍ ଆକ୍ଟିଭ୍ କେସ୍ ୭ ଲକ୍ଷ ୪୮ ହଜାର ୫୩୮ ରହିଥିବାବେଳେ ସୁସ୍ଥଙ୍କ ସଂଖ୍ୟା ୬୭ ଲକ୍ଷ ୩୩ ହଜାର ୩୨୮ ରହିଛି । ସକ୍ରିୟ ମାମଲା ତୁଳନାରେ ସୁସ୍ଥ ହାର ଆଠ ଗୁଣା ରହିଛି । ଆଇସିଏମ୍ଆରର ସୂଚନା ମୁତାବକ ଅକ୍ଟୋବର ୧୯ ସୁଦ୍ଧା ଦେଶରେ ୯ କୋଟି ୬୧ ଲକ୍ଷ ନମୁନା ପରୀକ୍ଷଣ ହୋଇଛି ।
