ସୋସିଆଲ ମିଡିଆରେ ମୋଦିଙ୍କ ବ୍ରାଣ୍ଡ ଭାଲୁ୍ୟ କେତେ ଜାଣନ୍ତି, ଜାଣିଲେ ଉଡ଼ିଯିବ ହୋସ
ସୋସିଆଲ ମିଡିଆରେ ମୋଦିଙ୍କ ବ୍ରାଣ୍ଡ ଭାଲୁ୍ୟ କେତେ ଜାଣନ୍ତି, ଜାଣିଲେ ଉଡ଼ିଯିବ ହୋସ
admin
3308
ନୂଆଦିଲ୍ଲୀ: ସୋସିଆଲ ମିଡିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ବହୁ ଅଧିକ ପ୍ରଶଂସକ ଓ ଅନୁଗାମୀ ରହିଛନ୍ତି । ଚଳିତ ବର୍ଷ ଅଗଷ୍ଟରୁ ଅକ୍ଟୋବର ମଧ୍ୟରେ ଗୁଗୁଲ ସମେତ ସୋସିଆଲ ମିଡିଆ ପ୍ଲାଟଫର୍ମରେ ଟ୍ୱିଟର ଓ ୟୁଟୁ୍ୟବରେ ଖୋଜା ଯାଉଥିବା ଏବଂ ଟ୍ରେଣ୍ଡ ହେଉଥିବା ବ୍ୟକ୍ତିଙ୍କ ମଧ୍ୟରେ ସେ ସବୁଠୁ ଆଗରେ ରହିଛନ୍ତି । ଟ୍ରେଣ୍ଡ ସେକ୍ସନରେ ୨୧୯୧ ଟ୍ରେଣ୍ଡ ସହିତ ମୋଦି ସର୍ବାଗ୍ରେ ଥିବା ବେଳେ ତାଙ୍କ ପଛକୁ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୱାଇ ଏସ ଜଗମୋହନ ରେଡ୍ଡୀ ୨୧୩୭ ଟ୍ରେଣ୍ଡ ସହିତ ଦ୍ୱିତୀୟ ସ୍ଥାନରେ ରହିଛନ୍ତି । ଦେଶର ଅନ୍ୟ ଯେଉଁ ରାଜନେତାମାନଙ୍କ ସ୍କୋର ଟ୍ରେଣ୍ଡିଂରେ ଅଧିକ ରହିଛି ସେମାନେ ହେଲେ ମମତା ବାନାର୍ଜୀ, ସୋନିଆ ଗାନ୍ଧି, ଉଦ୍ଧବ ଠାକରେ ଓ ରାହୁଲ ଗାନ୍ଧି ବୋଲି ଅନଲାଇନ ସ୍କୋର ବିଶ୍ଲେଷଣ କରୁଥିବା କମ୍ପାନୀ ଚେକ ବ୍ରାଣ୍ଡ ପକ୍ଷରୁ କୁହାଯାଇଛି । ମୋଦିଙ୍କ ମୋଟ ବ୍ରାଣ୍ଡ ସ୍କୋର ୭୦ ରହିଛି । ୫ଟି ମାନଦଣ୍ଡ ଯଥା ଭାବାବେଗ (୩୦), ଅନୁଗାମୀ (୨୦) ଏନଗେଜମେଣ୍ଟ (୨୦), ମେନସନ୍ସ (୨୦), ଟ୍ରେଣ୍ଡସ (୧୦)କୁ ଉକ୍ତ ସ୍କୋର ପ୍ରସ୍ତୁତ ହୋଇଛି । ଗୃହମନ୍ତ୍ରୀ ଅମିତ ଶାହଙ୍କ ସ୍କୋର ୩୬.୪୩ ଥିବା ବେଳେ ତରୁଣ ଗୋଗେଇଙ୍କ ସ୍କୋର ୩୧.୮୯, ଯୋଗୀ ଆଦିତ୍ୟ ନାଥଙ୍କ ସ୍କୋର ୨୭.୦୩ ରହିଛି । ରିପୋର୍ଟରେ କୁହାଯାଇଛି ଏନଗେଜମେଣ୍ଟ ଓ ଫଲୋଅର୍ସ ଭିତ୍ତିରେ ମୋଦିଙ୍କ ବ୍ରାଣ୍ଡଭାଲୁ୍ୟ ୩୩୬ କୋଟି ଟଙ୍କା ରହିଥିବା ବେଳେ ଅମିତ ଶାହଙ୍କର ୩୩୫ କୋଟି, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କର ୩୨୮ କୋଟି ରହିଛି ।
