ରାଜ୍ୟରେ ଆଉ ୯ ମୁଣ୍ଡ ନେଲା କରୋନା
ରାଜ୍ୟରେ ଆଉ ୯ ମୁଣ୍ଡ ନେଲା କରୋନା
admin
5567
ଭୁବନେଶ୍ୱର :୨୪ ଘଣ୍ଟା ମଧ୍ୟରେ ଆଉ ୯ ଜଣ କରୋନା ଆକ୍ରାନ୍ତଙ୍କ ଦେହାନ୍ତ ହୋଇଛି। ଏହାକୁ ମିଶାଇ ରାଜ୍ୟରେ ମୋଟ୍ କରୋନାଜନିତ ମୃତ୍ୟୁ ସଂଖ୍ୟା ୨୧୬ କୁ ବୃଦ୍ଧି ପାଇଛି । ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ମୃତକଙ୍କ ମଧ୍ୟରୁ ଗଞ୍ଜାମ ଜିଲ୍ଲାରୁ ୬ ଜଣ ହୋଇଥିବା ବେଳେ ପୁରୀ, ଯାଜପୁର ଓ ଖୋର୍ଦ୍ଧା ଜିଲ୍ଲାରୁ ଜଣେ ଲେଖାଏଁ ଆକ୍ରାନ୍ତଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଗଞ୍ଜାମର ୪୦ ବର୍ଷୀୟ ବ୍ୟକ୍ତି ଯିଏକି ଡାଇବେଟିସ୍ରେ ଆକ୍ରାନ୍ତ, ପୁରୀର ଜନୈକ ୫୭ ବର୍ଷୀୟ ପୁରୁଷ ମସ୍ତିଷ୍କ ଟିସୁ ରୋଗରେ ପୀଡିତ ରହିଥିଲେ । ଅନ୍ୟ ମାନଙ୍କ ମଧ୍ୟରେ ଗଞ୍ଜାମର ଜଣେ ୫୦ ବର୍ଷୀୟ ପୁରୁଷ, ଯାଜପୁରର ୪୦ ବର୍ଷୀୟ ପୁରୁଷ, ମଧୁମେହରେ ପୀଡିତ ଗଞ୍ଜାମର ୪୬ ବର୍ଷୀୟ ପୁରୁଷ, ମଧୁମେହ ଏବଂ ଉଚ୍ଚ ରକ୍ତଚାପରେ ପୀଡିତ ୬୦ ବର୍ଷର ପୁରୁଷ, ମଧୁମେହ ଏବଂ ଉଚ୍ଚ ରକ୍ତଚାପରେ ପୀଡିତ ଗଞ୍ଜାମର ୭୫ ବର୍ଷୀୟ ମହିଳା, ଖୋର୍ଦ୍ଧାର ଜନୈକ ୫୫ ବର୍ଷୀୟ ମହିଳା ଏବଂ ମଧୁମେହ ଏବଂ ଉଚ୍ଚ ରକ୍ତଚାପ ସହିତ କିଡନୀ ରୋଗରେ ଆକ୍ରାନ୍ତ ଗଞ୍ଜାମର ୬୦ ବର୍ଷୀୟ ଜଣେ ମହିଳା ମଧ୍ୟ ରହିଛନ୍ତି ।
