ଯନ୍ତ୍ରୀଙ୍କୁ ବସଉଠ କରାଇଲେ ବିଜେଡ଼ି ବିଧାୟକ
ଯନ୍ତ୍ରୀଙ୍କୁ ବସଉଠ କରାଇଲେ ବିଜେଡ଼ି ବିଧାୟକ
admin
3107
ଭୁବନେଶ୍ୱର : ବିଜେଡ଼ି ବିଧାୟକଙ୍କ ଦବଙ୍ଗଗିରିକୁ ନେଇ ଚର୍ଚ୍ଚା ଜୋର ଧରିଛି । ପାଟଣାଗଡ଼ ବିଧାୟକ ସରୋଜ ମେହେରଙ୍କ ଆଚରଣ ଓ ଉଚ୍ଚାରଣ ଏବେ ବଲାଙ୍ଗୀର ଜିଲ୍ଲାରେ ଚର୍ଚ୍ଚା ସୃଷ୍ଟିକରିଛି । ମିଳିଥିବା ସୂଚନାନୁସାରେ, ନବନିର୍ବାଚିତ ବିଜେଡ଼ି ବିଧାୟକ ସରୋଜ ମେହେର ଏକ ରାସ୍ତା ପରିଦର୍ଶନ କରିବାକୁ ଯାଇଥିଲେ । ସେଠାରେ ନିମ୍ନମାନର କାର୍ଯ୍ୟ ହୋଇଥିବା ସେ ଦେଖିବାକୁ ପାଇଥିଲେ । ଫଳରେ ବିଧାୟକ ଶ୍ରୀ ମେହେର ଖପ୍ପା ହୋଇ କାର୍ଯ୍ୟ ଦାୟିତ୍ୱରେ ଥିବା ସଂପୃକ୍ତ ଇଞ୍ଜିନିୟରଙ୍କୁ ଡକାଇଥିଲେ । ସେ ଇଞ୍ଜିନିୟରଙ୍କୁ ଗାଳି ଦେବା ସହ ବସ ଉଠ କରାଇଥିଲେ । ବସଉଠ ନହେଲେ ଲୋକେ ମାରିବେ ବୋଲି କହିଥିଲେ । ତେବେ ବିଧାୟକଙ୍କ ଏଭଳି ଦବଙ୍ଗଗିରିକୁ ସେଠାରେ ଉପସ୍ଥିତ ଥିବା କେହି ଜଣେ ଭିଡ଼ିଓ କରିଦେଇଥିଲେ । ଯାହା ଏବେ ଭାଇରାଲ ହେବାରେ ଲାଗିଛି ।
ବିଧାୟକ ଶ୍ରୀ ମେହେରଙ୍କ ଏଭଳି କାର୍ଯ୍ୟକୁ କେତେକ ପ୍ରଶଂସା କରିଛନ୍ତି । ଦୁର୍ନୀତିଗ୍ରସ୍ତ ସରକାରୀ ଅଧିକାରୀଙ୍କୁ ଏମିତି ପାନେ ଦେବା ଦରକାର ବୋଲି କହିଛନ୍ତି । କିନ୍ତୁ ଜଣେ ସରକାରୀ ଅଧିକାରୀଙ୍କ ପ୍ରତି ସର୍ବସମ୍ମୁଖରେ ଏଭଳି ବ୍ୟବହାରକୁ କିନ୍ତୁ ଅନେକ ଗ୍ରହଣ କରିପାରିନାହାନ୍ତି ।
