ଭକ୍ତଙ୍କ ପାଇଁ ଖୋଲିଲା ବଦ୍ରିନାଥ ମନ୍ଦିର, ୧୫ କ୍ୱିଣ୍ଟାଲ ଫୁଲରେ ଚମତ୍କାର ରୂପ ନେଇଛି ମନ୍ଦିର
admin
3860
ନୂଆଦିଲ୍ଲୀ: ତୁଷାରପାତ ଭିତରେ ଭକ୍ତଙ୍କ ପାଇଁ ଖୋଲିଛି ବଦ୍ରିନାଥ ଧାମର କବାଟ । ସ୍ୱତନ୍ତ୍ର ପୂଜାର୍ଚ୍ଚନା ଓ ବୈଦିକ ମନ୍ତ୍ର ଉଚ୍ଚାରଣ ଭିତରେ ଖୋଲିଛି ମନ୍ଦିର । ୧୫ କ୍ୱିଣ୍ଟାଲ ଫୁଲରେ ଚମତ୍କାର ରୂପ ନେଇଛି ବିଷ୍ଣୁଙ୍କ ବଦ୍ରିନାଥ ମନ୍ଦିର । ବଦ୍ରିନାଥ ମନ୍ଦିରର କବାଟ ଖୋଲିବା ସହ ଉତ୍ତରାଖଣ୍ଡର ଚାରି ଧାମ ଯାତ୍ରା ଆରମ୍ଭ ହୋଇଛି । ପ୍ରବଳ ତୁଷାରପାତ ଭିତରେ ଶ୍ରଦ୍ଧାଳୁଙ୍କ ଭିଡ ଜମିଛି ।
ଏବଂ ଜୟଜୟ କାର ଧ୍ୱନିରେ ପୁରା ପରିବେଶ ପ୍ରକମ୍ପିତ ହୋଇଉଠିଛି । ଆଇଟିବିପି ବ୍ୟାଣ୍ଡ ଓ ଗଡୱାଲ ସ୍କାଉଟ୍ସ ଟିମ୍ ଉପସ୍ଥିତ ରହି ବ୍ୟାଣ୍ଡ ବାଜା ବଜାଇଥିଲେ । ଏବେ ଭକ୍ତଙ୍କ ପାଇଁ ୬ମାସ ଲାଗି ବିଷ୍ଣୁଙ୍କ ଏହି ମନ୍ଦିର ଖୋଲାଯାଇଛି । ପ୍ରବଳ ତୁଷାରପାତ ପାଇଁ ୬ମାସ ମନ୍ଦିର ବନ୍ଦ ରହୁଥିବା ବେଳେ ଆଉ ୬ମାସ ଏହା ଭକ୍ତଙ୍କ ପାଇଁ ଖୋଲାଥାଏ ।
