ବିଧାନସଭା ସାମ୍ନାରେ ପୁଣି ଆତ୍ମହତ୍ୟା ଉଦ୍ୟମ
ବିଧାନସଭା ସାମ୍ନାରେ ପୁଣି ଆତ୍ମହତ୍ୟା ଉଦ୍ୟମ
admin
6548
ଭୁବନେଶ୍ବର : ଆଜି ପୁଣି ବିଧାନସଭା ଫାଟକ ଆଗରେ ଆତ୍ମହୁତି ଉଦ୍ୟମ କରିଛନ୍ତି ୩ ଚାଷୀ। ଆଠଗଡ଼ର ତିନି ଜଣ ଚାଷୀ କିରୋସିନି ଢାଳି ଆତ୍ମହୁତି ଉଦ୍ୟମ କରିଛନ୍ତି। ଆତ୍ମହୁତି ଉଦ୍ୟମ ବେଳେ ସୁରକ୍ଷା କର୍ମଚାରୀ ସେମାନଙ୍କୁ କାବୁ କରିନେଇଛି। ତିନି ଚାଷୀଙ୍କ କହିବାନୁଯାୟୀ, ଆଠଗଡ଼ ସମବାୟ ବ୍ୟାଙ୍କ୍ ରୁଣ ଜାଲିଆତି ନେଇ ସେମାନେ ଆଜି ବିଧାନସଭା ଆଗରେ ଆତ୍ମହତ୍ୟା କରିବାକୁ ଚେଷ୍ଟା କରିଛନ୍ତି। ସେମାନଙ୍କ ନାଁରେ ଲକ୍ଷ ଲକ୍ଷ ଟଙ୍କା ରୁଣ ନିଆଯାଇଥିବା ଅଭିଯୋଗ କରିଛନ୍ତି ବୋଲି କହିଛନ୍ତି। ସେମାନେ ରୁଣ କରିନଥିଲେ ବି ସେମାନଙ୍କ ନାଁରେ ଜାଲିଆତି କରି ରୁଣ କରାଯାଇଛି। ଆମେ ସୁଝିବୁ କେମିତି ବୋଲି କାନ୍ଦି କାନ୍ଦି ଗଣମାଧ୍ୟମ ଆଗରେ କହିଛନ୍ତି ଉକ୍ତ ତିନି ଚାଷୀ। ଆଠଗଡ଼ ସମବାୟ ବ୍ୟାଙ୍କ୍ ରୁଣ ଜାଲିଆତି ନେଇ ଚଳିତମାସ ୨୫ ତାରିଖରେ ଅଭିଯୋଗ ହୋଇଥିଲା। ଏହାକୁ ନେଇ ଚାଷୀ ମାନେ ବ୍ୟାଙ୍କ୍ ସାମନାରେ ଧାରଣା ଦେଇଥିଲେ। ତେବେ ଏହି ଜାଲିଆତି ନେଇ ସମବାୟ ମନ୍ତ୍ରୀ ରାଣେନ୍ଦ୍ର ପ୍ରତାପ ସ୍ୱାଇଁ ଭାଇ ବିରେନ୍ଦ୍ର ସ୍ୱାଇଁ ଙ୍କ ନାମରେ ଅଭିଯୋଗ ହୋଇଥିଲା। ନିରୀହ ଚାଷୀଙ୍କ ନାମରେ ଲକ୍ଷ ଲକ୍ଷ ଟଙ୍କା ରୁଣ କରି ସେମାନଙ୍କୁ ଲୁଟୁଥିବା ଜଣାପଡିଛି।
