ପୁଣି କଟକରୁ ନକଲି ଚା କାରଖାନା ଠାବ
ପୁଣି କଟକରୁ ନକଲି ଚା କାରଖାନା ଠାବ
admin
6200
କଟକ: କଟକ ପାଲିଟିଛି ନକଲି ସାମଗ୍ରୀର ହବ୍। ବିଗତ କିଛିଦିନ ହେବ କଟକରୁ ନକଲି କାରଖାନା ଗୁଡିକ ଠାବ କରାଯାଉଛି । ଏବେ ଏମିତି କଟକରେ ଆଉ କିଛି ଜିନିଷ ନାହିଁ ଯାହା ନକଲି ହୋଇନଥିବ । ନକଲି ଘିଅ, ମସଲ ଏମିତିକି ନକଲି ସିମେଣ୍ଟ ମଧ୍ୟ ଠାବ କରାଯାଇଛି । ଲୋକ ବି ଏବେ ଦ୍ୱନ୍ଦ୍ୱରେ ପଡ଼ିଗଲେଣି ଯେ, ସେମାନେ ଏବେ ଯାହା ବ୍ୟବହାର କରୁଛନ୍ତି ତାହା ଅସଲି କି ନକଲି । ଗତ କିଛି ଦିନ ହେବ କଟକର ବିିଭନ୍ନ ଅଞ୍ଚଳରୁ କମିସନରେଟ୍ ପୁଲିସ ନକଲି ସସ୍, ଗୁଟଖା, ସୋୟାବଡ଼ି, ମସଲା, ଘିଅ କମ୍ପାନି ଠାବ କରି ଚଢ଼ାଉ କରିଥିବା ବେଳେ ଆଜି କଟକ ସଦର ଥାନା ମୁକାମେଶ୍ବର ଗ୍ରାମରେ ଏକ ନକଲି ଚା’ ପତି କମ୍ପାନି ଠାବ କରାଯାଇଛି। କଟକ ସଦର ଥାନା ଅନ୍ତଗତ ମୁକାମେଶ୍ବର ଗ୍ରାମରେ ଏକ ନକଲି ଚା’ ପତି ପ୍ରସ୍ତୁତିକରଣ କମ୍ପାନି ଠାବ କରାଯାଇଛି। କଟକ ସଦରଥାନା ପୁଲିସ ବିଶେଷସୂତ୍ରରୁ ଖବର ପାଇଁ ଉକ୍ତ କମ୍ପାନିରେ ଚଢ଼ାଉ କରିଥିବା ବେଳେ ପ୍ରାୟ ୪ କ୍ବିଣ୍ଟାଲ୍ରୁ ଅଧିକ ପରିମାଣର ନକଲି ଚା’ ପତି, ନାମୀଦାମୀ କମ୍ପାନିର ଲୋଗୋ, ଷ୍ଟିକର ଜବତ କରିବା ସହ ଜଣଙ୍କୁ ଅଟକ ରଖି ପଚରାଉଚରା ଜାରି ରଖିଛି। ଚା’ରେ ପତ୍ର ଓ କାଠ ଗୁଣ୍ଡ ମିଶ୍ରଣ କରାଯାଉଥିଲା ବୋଲି ଅଭିଯୋଗ ହୋଇଛି। ସେଠାରୁ ପୁଲିସ୍ ପତ୍ର ଓ କାଠ ଗୁଣ୍ଡ ଜବତ କରିଛି।
