ପରିତ୍ୟକ୍ତ କୂଅରୁ ମିଳିଲା ୩ ବର୍ଷ ଶିଶୁର ମୃତଦେହ
ପରିତ୍ୟକ୍ତ କୂଅରୁ ମିଳିଲା ୩ ବର୍ଷ ଶିଶୁର ମୃତଦେହ
admin
4342
ଯୋରନ୍ଦା: ଢେ଼ଙ୍କାନାଳ ଜିଲ୍ଲା ଗଁଦିଆ ବ୍ଲକ ଖଙ୍କିରା ଗାଁ ଦାଣ୍ଡରେ ଖେଳୁଥିବା ସମୟରେ ସନ୍ଧ୍ୟାରୁ ହଠାତ୍ ନିଖୋଜ ହୋଇଯାଇଥିବା ତିନି ବର୍ଷ ଶିଶୁ କାଳିଆ ସାହୁର ମୃତଦେହ ଭୋରରେ ଠାବ ହୋଇଛି । ଘରଠାରୁ ଅଳ୍ପ କେଇ ମିଟର ଦୂର ଏକ ପରିତ୍ୟକ୍ତ କୂଅରୁ ଏହି ମୃତଦେହ ଉଦ୍ଧାର କରାଯାଇଛି । ନିଖୋଜ କଅଁଳ ଶିଶୁ କାଳିଆର ମୃତଦେହ ଉଦ୍ଧାର ଘଟଣା ନୟାଗଡ଼ ଜିଲ୍ଲାର ‘ପରୀ’ ହତ୍ୟାକାଣ୍ଡକୁ ଢେ଼ଙ୍କାନାଳ ଜିଲ୍ଲାରେ ତାଜା କରାଇ ଦେଇଛି । ‘କାଳିଆ’ର ବାପା ଜୟନ୍ତ କୁମାର ସାହୁ (ଚନ୍ଦନ) ଏ ନେଇ ନିହଲ ପ୍ରସାଦ ଥାନାରେ ହତ୍ୟା ଅଭିଯୋଗ ଆଣିଛନ୍ତି । ସ୍ମରଣ ଯୋଗ୍ୟ, ଜୟନ୍ତଙ୍କର ଦୁଇ ପୁଅ ଗତକାଲି ସନ୍ଧ୍ୟାରେ ଗାଁ ଦାଣ୍ଡରେ ଖେଳୁଥିଲେ । ଏହି ସମୟରେ ବଡ଼ ପୁଅ ଶୌଚ ହେବା ପାଇଁ ପଳାଇଥିବା ବେଳେ ସାନ ପୁଅ ‘କାଳିଆ’ ଏକୁଟିଆ ଖେଳୁଥିଲା । କିଛି ସମୟ ପରେ ହଠାତ କାଳିଆ କେଉଁଆଡେ଼ ଉଭାନ ହୋଇଯାଇଥିଲା । ପରିବାର ଏବଂ ଲୋକେ ରାତି ସାରା ଖୋଜାଖୋଜି କରିଥିଳେ । ଚାରିଆଡ଼ୁ ନିରାଶ ହେବା ପରେ କୂଅ, ପୋଖରୀ ଖୋଜା ଚାଲିଥିଲା । ଘର ପାଖରେ ଏକ ପରିତ୍ୟକ୍ତ କୂଅ ଭିତରେ କାଳିଆର ମୃତ ଶରୀର ପଡ଼ିଥିବା ଦେଖିବାକୁ ମିଳିଥିଲା । ଭୋରରୁ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି । ଶବକୁ ବ୍ୟବଚ୍ଛେଦ ପାଇଁ ପଠାଯାଇଛି ।
