ଧୋନିଙ୍କ ଅବସର ନେବା ଚର୍ଚ୍ଚାକୁ ପୂର୍ଣ୍ଣଚ୍ଛେଦ ପକାଇଲେ ସାକ୍ଷୀ
ଧୋନିଙ୍କ ଅବସର ନେବା ଚର୍ଚ୍ଚାକୁ ପୂର୍ଣ୍ଣଚ୍ଛେଦ ପକାଇଲେ ସାକ୍ଷୀ
admin
5083
ଭାରତୀୟ ଅଧିନାୟକ ବିରାଟ କୋହଲି ଗୁରୁବାର ମହେନ୍ଦ୍ର ସିଂ ଧୋନୀଙ୍କୁ ନେଇ ଏକ ଟୁଇଟ୍ କରିଥିଲେ। ଯାହାକୁ ନେଇ ସୋସିଆଲ ମିଡିଆରେ ଧୋନୀଙ୍କ ଅବସରକୁ ନେଇ ଚର୍ଚ୍ଚା ଉଠିଥିଲା। ଏଥିରେ ପୂର୍ଣ୍ଣଚ୍ଛେଦ ପକାଇଛନ୍ତି ତାଙ୍କ ସ୍ତ୍ରୀ ସାକ୍ଷୀ। ଏହା କେବଳ ଗୁଜବ ବୋଲି ସେ ମତ ଦେଇଛନ୍ତି। ଏପରିକି ଆଇପିଏଲରେ ଧୋନୀ ନେତୃତ୍ୱ ନେଉଥିବା ଚେନ୍ନାଇ ସୁପର୍ କିଙ୍ଗ୍ସ ପକ୍ଷରୁ ମଧ୍ୟ ଏଭଳି ଗୁଜବକୁ ଖଣ୍ଡନ କରାଯାଇଛି। ସୂଚନାଯୋଗ୍ୟ, ଗୁରୁବାର କୋହଲି ଏକ ମ୍ୟାଚର ଫଟୋ ଟୁଇଟ କରି ଲେଖିଛନ୍ତି,ଏହି ସ୍ବତନ୍ତ୍ର ଦିନକୁ ମୁଁ କେବେ ଭୁଲି ପାରିବି ନାହିଁ। ଧୋନୀ ମୋତେ ଫିଟନେସ ଟେଷ୍ଟ ପରି ଏହି ମ୍ୟାଚରେ ଦୌଡାଇଥିଲେ। କୋହଲି ଟୁଇଟ କରିଥିବା ମ୍ୟାଚ୍ଟି ୨୦୧୬ ମାର୍ଚ୍ଚ ୨୭ରେ ଅଷ୍ଟ୍ରେଲିଆ ବିପକ୍ଷରେ ମୋହାଲିର ପିସିଏ ଷ୍ଟାଡିୟମରେ ଖେଳାଯାଇଥିଲା। ଅଷ୍ଟେଲିଆ ପ୍ରଥମେ ବ୍ୟାଟିଂ କରି ୨୦ ଓଭରରେ ୧୬୦ ରନ କରିଥିଲା। ଏହାର ଜବାବରେ ଭାରତ ୧୯.୧ ଓଭରରେ ୪ ଉଇକେଟ ହରାଇ ଲକ୍ଷ୍ୟସ୍ଥଳରେ ପହଞ୍ଚିପାରିଥିଲା। କୋହଲି ୫୧ଟି ବଲରୁ ୯ଟି ଚୌକା ଏବଂ ଦୁଇଟି ଛକା ସହ ୮୨ରନ୍ରେ ଅପରାଜିତ ଥିଲେ।
