ଟ୍ରକକୁ ପିଟିଲା ବସ, ଜଣେ ମୃତ

Apr 4, 2019 - 10:41 Updated: Apr 4, 2019 - 10:41

2761

ବାଲେଶ୍ବର : ସୋରର ଜାତୀୟ ରାଜପଥରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଘଟିଛି। ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୨ଜଣ ଆହତ ହୋଇଥିବା ଜଣାପଡିଛି। ବୁଧବାର ବିଳମ୍ବିତ ରାତି ପ୍ରାୟ ୨ଟା ୩୦ମିନିଟରେ ଏହି ଦୁର୍ଘଟଣା ଘଟିଛି। ମୃତ ବ୍ୟକ୍ତି ଜଣକ ବସର ବୋଲି ଜଣାପଡିଛି। ପୁଲିସ ଘଟଣାସ୍ଥଳରେ ପହଞ୍ଚି ବସଟିକୁ ଜବତ କରିଛି। ସୂଚନାଯୋଗ୍ୟ ଯେ, ବୁଧବାର ବିଳମ୍ବିତ ରାତିରେ ବାରିକପୁର ଠାରେ ଏକ ଟ୍ରକ ଛିଡା ହୋଇଥିଲା। ସେହି ସମୟରେ ବସଟି ଭୁବନେଶ୍ବରରୁ ବାରିପଦା ଯାଉଥିବା ବେଳେ ଟ୍ରକକୁ ପଛ ପଟୁ ଧକ୍କା ଦେଇଥିଲା। ଫଳରେ ୩ଜଣ ଦୁର୍ଘଟଣାରେ ଆହତ ହୋଇଥିଲେ। ସମସ୍ତଙ୍କୁ ଚିକିତ୍ସା ନିମନ୍ତେ ବାଲେଶ୍ବର ଜିଲା ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ବସର ହେଲପର ମନୁର ମୃତ୍ୟୁ ହୋଇଯାଇଛି।