ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜଙ୍କୁ ଅଧିକ ଦାୟିତ୍ୱ

Nov 18, 2019 - 05:38 Updated: Nov 18, 2019 - 05:38

1756

ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜଙ୍କୁ ଅଧିକ ଦାୟିତ୍ୱ

ସରକାରୀ ବିଜ୍ଞାପନ, ସାମ୍ବାଦିକ କଲ୍ୟାଣ କଥା ବୁଝିବେ, ଏଣିକି ସୂଚନା ଓ ଲୋକସମ୍ପର୍କ ବିଭାଗର ସବୁ କାର୍ଯ୍ୟକ୍ରମରେ ଅତିଥି ଭୁବନେଶ୍ୱର : ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜଙ୍କୁ ଅଧିକ ଗୁରୁ ଦାୟିତ୍ୱ ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଣିକି ସବୁ ମୁଦ୍ରିତ ଓ ବୈଦୁ୍ୟତିକ ଗଣମାଧ୍ୟମ ପାଇଁ ସରକାରୀ ବିଜ୍ଞାପନ ଦେବା ନେଇ ଶ୍ରୀ ମଙ୍ଗରାଜ ନିଷ୍ପତ୍ତି ନେବେ । ଏ ନେଇ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ଆଜି ବିଜ୍ଞପ୍ତି ପ୍ରକାଶ ପାଇଛି । ଏହାସହିତ ଶ୍ରୀ ମଙ୍ଗରାଜ ସାମ୍ବାଦିକ କଲ୍ୟାଣ ଯାଜନାର କାର୍ଯ୍ୟାନ୍ୱୟନ ନେଇ ମଧ୍ୟ ତଦାରଖ କରିବେ । ଏଣିକି ସୂଚନା ଓ ଲୋକସମ୍ପର୍କ ବିଭାଗ ଦ୍ୱାରା ଆୟୋଜିତ ସମସ୍ତ ସରକାରୀ କାର୍ଯ୍ୟକ୍ରମରେ ସେ ଅତିଥି ଭାବେ ଯୋଗଦେବା ନେଇ ବିଜ୍ଞପ୍ତିରେ ଉଲ୍ଲେଖ ରହିଛି । ଶ୍ରୀ ମଙ୍ଗରାଜଙ୍କୁ ଗତ ସେପ୍ଟେମ୍ବରରେ ରାଜ୍ୟ ସରକାର ଗଣମାଧ୍ୟମ ଲୋକସମ୍ପର୍କ ପରାମର୍ଶଦାତା ଭାବେ ନିଯୁକ୍ତି ଦେଇଥିଲେ । ତାଙ୍କୁ ରାଷ୍ଟ୍ର ମନ୍ତ୍ରୀ ପାହ୍ୟା ପ୍ରଦାନ କରାଯାଇଛି ।