ଏହି ୭ ରାଜ୍ୟରେ କାୟା ମେଲେଇଛି କରୋନା

Mar 15, 2021 - 08:59 Updated: Mar 15, 2021 - 08:59

3909

ଭୁବନେଶ୍ୱର : ସମ୍ପ୍ରତି ଦେଶରେ କରୋନାର ଦ୍ୱିତୀୟ ଲହର ଆରମ୍ଭ ହୋଇଯାଇଛି । ଗୋଟିଏ ପଟେ ଟୀକା ଦାନ ଜୋର ଧରିଥିବାବେଳେ ଅପରପକ୍ଷରେ କେତେକ ରାଜ୍ୟରେ କରୋନା ସଂକ୍ରମଣ ବୃଦ୍ଧି ଏବେ ଚିନ୍ତାର କାରଣ ପାଲଟିଛି । ବିଶେଷକରି ୭ ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଇଛି । ମହାରାଷ୍ଟ୍ରରେ ରବିବାର ୧୬୬୨୦ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ପଞ୍ଜାବରେ ଦେଢ଼ ହଜାରରୁ ଉଦ୍ଧ୍ୱର୍ ସଂକ୍ରମିତ ହୋଇଥିବା ଜଣାପଡ଼ିଛି । ସେହିପରି କର୍ଣ୍ଣାକଟରେ ୯୩୪ କରୋନା ସଂକ୍ରମିତ ଚିହ୍ନଟ ହୋଇଥିବାବେଳେ କେବଳ ବାଙ୍ଗାଲୁର ଅର୍ବାନରୁ ୬୨୮ ଚିହ୍ନଟ କରାଯାଇଛି । ଅପରପକ୍ଷରେ ଗୁଜୁରାଟରେ ୮୧୦, ତାମିଲନାଡୁରେ ୭୫୯, ମଧ୍ୟପ୍ରଦେଶରେ ୭୪୩, ଆନ୍ଧ୍ରପ୍ରଦେଶରେ ୨୯୮, ପଶ୍ଚିମବଙ୍ଗରେ ୨୮୩ ଓ ରାଜସ୍ଥାନରେ ୨୫୦ ଜଣ ସଂକ୍ରମିତ ହୋଇଛନ୍ତି ।