ଏଥର ରବିବାରରେ ପ୍ରଭୂଙ୍କ ଦର୍ଶନ କରିପାରିବେ ଭକ୍ତ
ଏଥର ରବିବାରରେ ପ୍ରଭୂଙ୍କ ଦର୍ଶନ କରିପାରିବେ ଭକ୍ତ
admin
6663
ଭୁବନେଶ୍ୱର : କରୋନା ପାଇଁ ଶ୍ରୀମନ୍ଦିରରେ ମହାପ୍ରଭୂଙ୍କ ଦର୍ଶନ ନେଇ ଅନେକ କଟକଣା ଲାଗିଥିଲା । କିନ୍ତୁ କରୋନା ସଂକ୍ରମଣ ହ୍ରାସ ପାଇଥିବାରୁ ଶ୍ରୀମନ୍ଦିରରେ ଅନେକ କଟକଣା କୋହଳ କରଯାଇଛି । ରବିବାର ଦିନ ପୂର୍ବରୁ ମହାପ୍ରଭୂଙ୍କ ଦର୍ଶନ ମିଳୁନଥିଲା । କିନ୍ତୁ ଏବେ ଭକ୍ତମାନେ ରବିବାର ପ୍ରଭୂଙ୍କ ଦର୍ଶନ କରିପାରିବେ ।
ଖାଲି ସେତିକିନୁହେଁ ଆନନ୍ଦବଜାରେ ମହାପ୍ରସାଦ ସେବନ ମଧ୍ୟ କରିପାରିବେ ଭକ୍ତ । ଦୀର୍ଘ ୧୦ ମାସ ପରେ ଭକ୍ତମାନେ ମହାପ୍ରସାଦ ସେବନ କରିପାରିବେ । ମନ୍ଦିର ବେଢ଼ାରେ ଦୀପ ବି ଜାଳିହେବ । ଅପରପକ୍ଷରେ ଶ୍ରୀକ୍ଷେତ୍ରବାସୀଙ୍କୁ ଯେଉଁ ସ୍ୱତନ୍ତ୍ର ସୁବିଧା ମିଳୁଥିଲା ତାହା ବି ହଟିଯାଇଛି ।
ଆସନ୍ତା ୧୪ ତାରିଖ ରବିବାର ହୋଇଥିବାବେଳେ ଭକ୍ତମାନେ ଶ୍ରୀମନ୍ଦିରରେ ଦର୍ଶନ କରିପାରିବେ । ଫଳରେ ଭକ୍ତମାନେ ମହାପ୍ରଭୂଙ୍କ ପଦ୍ମ ବେଶ ଦର୍ଶନ କରିବାର ସୌଭାଗ୍ୟ ପାଇବେ ।
ଶ୍ରୀମନ୍ଦିର କାର୍ଯ୍ୟାଳୟରେ ମୁଖ୍ୟ ପ୍ରଶାସକ କି୍ରଷନ କୁମାର ସେବାୟତ ଓ ଅନ୍ୟ ଅଧିକାରୀମାନଙ୍କ ସହ ଆଲୋଚନା କରିବା ପରେ କଟକଣା ହଟାଇଛନ୍ତି । ତେବେ ଶ୍ରୀମନ୍ଦିର ଭିତରେ ଓ ବାହାରେ ଭକ୍ତମାନେ ମାସ୍କ ପିନ୍ଧିବା ସହ ହାତ ବିଶୋଧନ ଓ ସାମାଜିକ ଦୂରତା ରକ୍ଷା କରିବେ । ଶ୍ରୀମନ୍ଦିରରେ ପାନ ବା ଗୁଟଖା ଖାଇବାକୁ ସମ୍ପୂର୍ଣ୍ଣ ବାରଣ କରାଯାଇଛି । ପାନ ଖାଉଥିବାର ଧରାପଡ଼ିଲେ ହଜାରେ ଟଙ୍କା ଜରିମାନା ଦେବାକୁ ପଡ଼ିବ । ସେହିପରି ପଲିଥିନ ନେବାକୁ ବି ମନା କରାଯାଇଛି । ଯଦି କେହି ପଲିଥିନ ନିଅନ୍ତି ତେବେ ଶହେ ଟଙ୍କା ଜରିମାନା ଦେବାକୁ ପଡ଼ିବ ।
