ଆତଙ୍କୀ କାର୍ଯ୍ୟକଳାପରେ ସମ୍ପୃକ୍ତ ୧୩ ଛାତ୍ର : ୩ ଶିକ୍ଷକ ଗିରଫ
ଆତଙ୍କୀ କାର୍ଯ୍ୟକଳାପରେ ସମ୍ପୃକ୍ତ ୧୩ ଛାତ୍ର : ୩ ଶିକ୍ଷକ ଗିରଫ
admin
2373
ଶ୍ରୀନଗର : ଜମ୍ମୁ କାଶ୍ମୀରର ଗୋଟିଏ ସ୍କୁଲର ୧୩ ଜଣ ଛାତ୍ର ଆତଙ୍କୀ କାର୍ଯ୍ୟକଳାପରେ ସମ୍ପୃକ୍ତ ଥିବା ନେଇ ଖବର ମିଳିବା ପରେ ୩ ଶିକ୍ଷକଙ୍କୁ ଗିରଫ କରାଯାଇଛି । ସୋପିଆନ ଜିଲ୍ଲାରେ ଅବସ୍ଥିତ ଇସଲାମିକ ସ୍କୁଲ ସିରାଜ ଉଲୁମ ଇମାମର ଛାତ୍ର ମାନେ ବିଭିନ୍ନ ଆତଙ୍କୀ ସଙ୍ଗଠନରେ ଯୋଗ ଦେଉଥିଲେ । ପୁଲୱାମା ଆକ୍ରମଣର ଅନ୍ୟତମ ଅଭିଯୁକ୍ତ ସଜ୍ଜାଦ ଭଟ୍ଟ ମଧ୍ୟ ଏହି ସ୍କୁଲର ଛାତ୍ର ରହିଥିଲେ । ଏହି ସ୍କୁଲର ଜମାତ ଏ ଇସଲାମୀ ସଙ୍ଗଠନ ସହିତ ସମ୍ପର୍କ ରହିଥିବା ନେଇ ଆଇଜିପି ବିଜୟ କୁମାର ସୂଚନା ପ୍ରଦାନ କରିଥିଲେ । ତିନି ଶିକ୍ଷକଙ୍କୁ ପିଏସଏ ଆଇନ ଆଧାରରେ ଗିରଫ କରାଯାଇଛି । ଏହି ଆଇନ ଅନୁଯାୟୀ ଦୁଇ ବର୍ଷ ପର୍ଯ୍ୟନ୍ତ ଅଭିଯୁକ୍ତଙ୍କୁ ଗୃହବନ୍ଦୀ ଭାବରେ ରଖାଯାଇ ପାରିବ । ତିନି ଗିରଫ ଶିକ୍ଷକଙ୍କ ନାମ ଅବଦୁଲ ଆହଦ ଭଟ୍ଟ, ରୌଫ ଭଟ୍ଟ ଏବଂ ମହମ୍ମଦ ୟୁସୁଫ ୱାନି ବୋଲି ଜଣାପଡିଛି । ଏହା ସହିତ ଆହୁରି ୧୦-୧୨ ଶିକ୍ଷକଙ୍କ ଭଉପରେ ନଜର ରଖାଯାଇଥିବା କୁହାଯାଇଛି ।
