ଅଚାନକ୍ ବଢିଲା ସୁନା ଦର, ଜାଣନ୍ତୁ କେତେ
admin
7571
ନୂଆଦିଲ୍ଲୀ: ସୁନା, ରୂପା ଦରରେ ନିଆଁ ଲାଗିଯାଇଛି । ସୁନା, ରୂପା ଦାମରେ ପ୍ରତିଦିନ ବୃଦ୍ଧି ଘଟୁଥିବା ବେଳେ ଗତ ୧୦ ଦିନ ମଧ୍ୟରେ ଭୁବନେଶ୍ୱରରେ ସୂନା ୧୦ ଗ୍ରାମ ପିଛା ଦର ୪ ହଜାର ୯୦୦ ଟଙ୍କା ବୃଦ୍ଧି ପାଇଛି । ସେହିପରି ରୂପା କିଲୋ ଦାମ ୫ ହଜାର ବୃଦ୍ଧି ପାଇଛି ।ଆମେରିକାର ସିଲିକନ ଭେଲି, ସିଗ୍ନେଚର ବ୍ୟାଙ୍କ ଏବଂ ସୁଇଜରଲାଣ୍ଡରେ କ୍ରେଡିଟ୍ ସୁଇସ୍ ବ୍ୟାଙ୍କ ଭଳି ବଡ ବଡ ବ୍ୟାଙ୍କ ବୁଡିଯିବା ଯୋଗୁ ଷ୍ଟକ ବଜାରରେ କାରବାର ମାନ୍ଦା ଚାଲିଥିବା ବେଳେ ସୂନା, ରୁପା ଦର ବୃଦ୍ଧି ପାଇବାରେ ଲାଗିଛି ।
ଗତ ୧୦ ତାରିଖରେ ୨୨ କ୍ୟାରେଟ ସୂନାର ୧୦ ଗ୍ରାମର ମୂଲ୍ୟ ୫୦ ହଜାର ୫୦୦ ଥିବା ବେଳେ ଏବେ ୫୫ ହଜାର ୪୦୦ ଛୁଇଁଛି । ସେହିପରି ୨୪ କ୍ୟାରେଟ ସୂନାର ୧୦ ଗ୍ରାମର ମୂଲ୍ୟ ୫୭ ହଜାର ୬୨୦ ଥିବା ବେଳେ ଏବେ ୬୧ ହଜାର ୪୦୦ ଛୁଇଁଛି । ରୂପା କିଲୋ ୬୫ ହଜାର ଥିବା ବେଳେ ଏବେ ୭୦ ହଜାର ଛୁଇଛି । ବିବାହ ଋତୁରେ ଏଭଳି ସୂନା ଦର ବୃଦ୍ଧି ଉଭୟ ଗ୍ରାହକ ଏବଂ ଦୋକାନୀଙ୍କ ଚିନ୍ତା ବଢାଇ ଦେଇଛି ।
