ଖସିଗଲା ମାଓନେତା ଦସୁର
ଖସିଗଲା ମାଓନେତା ଦସୁର
admin
6538
ଫୁଲବାଣୀ:କନ୍ଧମାଳର ମାଓପ୍ରବଣ ଇଲାକାରେ ପୁଲିସର କମ୍ବିଂ ଅପରେସନ ଜାରି ରହିଛି । ବିଭିନ୍ନ ସମୟରେ କ୍ୟାମ୍ପ ଠାବ ସହ ପୁଲିସ ଗୁଳିରେ ମାଓବାଦୀ ନିହାତ ହୋଇଛନ୍ତି । ତଥାପି ପଛକୁ ହଟି ନାହାନ୍ତି ଲାଲବାହିନୀ । ପ୍ରତିଶୋଧ ପରାୟଣ ହୋଇ ଜଙ୍ଗଲରେ ମେଳି କରିବା ସହ ବଡ଼ ଧରଣର ହିଂସା ଘଟାଇବାକୁ ଯୋଜନା କରୁଛନ୍ତି । ଗତ ୧୧ ତାରିଖରେ ଗୋଛାପଡ଼ା ଥାନା ଅଧୀନ ପାଦରପଡ଼ା ଜଙ୍ଗଲରେ ଗୁଳିବିନିମୟ ହୋଇଥିଲା । ପୁଲିସ ଗୁଳିରେ ଜଣେ ମହିଳା ମାଓବାଦୀ ନିହତ ହୋଇଥିବା ବେଳେ ୨୦ ରୁ ୨୫ ଜଣ ଛତ୍ରଭଙ୍ଗ ଦେଇ ପଳାଇଥିଲେ । ପାଦରପଡ଼ା ନିକଟରେ ବିରେଣି ଜଙ୍ଗଲରେ ପୁଣି ପୁଲିସ ଓ ମାଓବାଦୀ ମୁହାଁମୁହିଁ ହୋଇଛନ୍ତି । ପୁଲିସକୁ ଉପରକୁ ମାଓବାଦୀ ଗୁଳି ସହ ଗ୍ରେନେଡ ମାଡ କରିଥିଲେ । ତଥାପି ଗୁଳି ମାଡ଼ ନ କରି ଆତ୍ମସମର୍ପଣ କରିବା ଲାଗି ମାଓବାଦୀଙ୍କୁ କହାଯାଇଥିଲା । କିନ୍ତୁ ମାଓବାଦୀମାନେ ଗୁଳି ଚାଳନା ଜାରି ରଖିଥିଲେ । ଗ୍ରେନେଡ ବି ମାଡ଼ କରିଥିଲେ । ପୁଲିସ ପାଟା ଗୁଳି ଚାଳନା କରିବାରୁ ମାଓବାଦୀମାନେ ଭୟରେ କ୍ୟାମ୍ପ ଛାଡ଼ି ଛତ୍ରଭଙ୍ଗ ଦେଇଥିଲେ । ଏଠାରେ ୮ ରୁ ୧୦ ଜଣ ମାଓବାଦୀ ଥିବା ବେଳେ କ୍ୟାଡର ମାଓନେତା ଦସୁର ବିଥିଲା । ତେବେ ଗତ ଥର ଭଳି ଏଥର ମଧ୍ୟ ଦସୁର ଖସିଯିବାରେ ସକ୍ଷମ ହୋଇଥିଲା । ପୁଲିସ ଉକ୍ତ କ୍ୟାମ୍ପରୁ ୨ଟି ଦେଶୀ ବନ୍ଧୁକ, ଗୋଟିଏ ରେଡିଓ, ଔଷଧ, ପୋଷାକ ପତ୍ର ଏବଂ ରାସନ ସାମଗ୍ରୀ ଠାବ କରିଥିବା ନେଇ ଏସପି ବିନୀତ ଅଗ୍ରୱାଲ ସାମ୍ବାଦିକ ସମ୍ମଳନୀରେ ସୂଚନା ଦେଇଛନ୍ତି ।
