କର୍ମୀଙ୍କ ପାଦ ଧୋଇଲେ ପ୍ରତାପ ଷଡ଼ଙ୍ଗୀ
କର୍ମୀଙ୍କ ପାଦ ଧୋଇଲେ ପ୍ରତାପ ଷଡ଼ଙ୍ଗୀ
admin
2155
ଭୁବନେଶ୍ୱର : ବିଜେପିରେ ପ୍ରତାପ ନନା ଭାବେ ବେଶ ପରିଚିତ କେନ୍ଦ୍ରମନ୍ତ୍ରୀ ପ୍ରତାପ ଚନ୍ଦ୍ର ଷଡ଼ଙ୍ଗୀ ନିଜ ନିଆରା ଜୀବନଶୈଳୀ ପାଇଁ ସାରା ଦେଶରେ ଚର୍ଚ୍ଚା ସୃଷ୍ଟି କରିଛନ୍ତି । କେତେବେଳେ ଚାଳ ଛପର ଘରେ ରହିବାକୁ ନେଇ ଚର୍ଚ୍ଚା ତ କେବେ ପଖାଳ ଭାତକୁ ନେଇ ଚର୍ଚ୍ଚା ହେଉଛି । ପୂର୍ବରୁ ଓଡ଼ିଶାରେ ଏହା ଆଲୋଚ୍ୟର ବିଷୟ ଥିବାବେଳେ ଏବେ ଜାତୀୟସ୍ତରରେ ବି ଆଲୋଡ଼ିତ ହୋଇଛି । ଏସବୁ ଭିତରେ ନିଆରା ଢ଼ଙ୍ଗରେ ସଭ୍ୟ ସଂଗ୍ରହ ଅଭିଯାନ ଆରମ୍ଭ କରି ପ୍ରତାପ ପୁଣି ଥରେ ଚର୍ଚ୍ଚିତ ହୋଇଛନ୍ତି ।
ପ୍ରତାପ ଷଡ଼ଙ୍ଗୀଙ୍କ ମୋଦି ଅନ୍ଦାଜ ଏବେ ସୋସିଆଲ ମିଡ଼ିଆରେ ଭାଇରାଲ ହେଉଛି । କିଛି ମାସ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସଫେଇ କର୍ମଚାରୀଙ୍କ ପାଦ ଧୋଇଥିବାବେଳେ ପ୍ରତାପ ନିଜ ଦଳର ବରିଷ୍ଠ କର୍ମୀଙ୍କ ପାଦ ଧୋଇଛନ୍ତି । ବଡ଼ସାହି ନିର୍ବାଚନମଣ୍ଡଳୀର ବେତନଟୀ ସଂସ୍କୃତି ଭବନରେ ଆୟୋଜିତ ସଭ୍ୟ ସଂଗ୍ରହ କାର୍ୟ୍ୟକ୍ରମରେ ଯୋଗଦେଇଥିଲେ ପ୍ରତାପ । ସ୍ଥାନୀୟ ପରମ୍ପରା ଅନୁସାରେ ସେ ବରିଷ୍ଠ ନାଗରିକଙ୍କ ପାଦ ଧୋଇ ଦେଇଥିଲେ । ଅବସରପ୍ରାପ୍ତ ବରିଷ୍ଠ ପ୍ରଶାସନିକ ଅଧିକାରୀ ରମାକାନ୍ତ ମହାନ୍ତିଙ୍କ ସେ ପାଦ ଧୋଇବାର ଦୃଶ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଉଛି ।
