କରୋନା ସମୟରେ ପୁଣି ଏକ କରୁଣ କାହାଣୀ , ଆଖି ବୁଜିଲେ ଦୁଇ ସାମ୍ବାଦିକ
କରୋନା ସମୟରେ ପୁଣି ଏକ କରୁଣ କାହାଣୀ , ଆଖି ବୁଜିଲେ ଦୁଇ ସାମ୍ବାଦିକ
admin
2089
ଚିକିଟି: କରୋନା ସମୟରେ ପୁଣି ଏକ କରୁଣ କାହାଣୀ ସାମନାକୁ ଆସିଛି । ସକାଳେ ଗଞ୍ଜାମ ଜିଲ୍ଲାରେ ଦୁଇ ଜଣ ଯୁବ ସାମ୍ବାଦିକଙ୍କ କରୋନାରେ ମୃତୁ୍ୟ ଘଟିଛି । ସେମାନେ ହେଲେ କୁକୁଡ଼ାଖଣ୍ଡିନିବାସୀ ତଥା ଏକ ପୋର୍ଟାଲ ନୁ୍ୟଜ ଚାନେଲ ସାମ୍ବାଦିକ ଗୋବିନ୍ଦ ବେହେରା (୨୫) ଓ ଚିକିଟିର ମନୋଜ କୁମାର ସାହୁ । ଗଞ୍ଜାମ ଜିଲ୍ଲା କୁକୁଡ଼ାଖଣ୍ଡି ଗ୍ରାମ ଦଳୁଆ ସାହିର ବାସିନ୍ଦା ଗୋବିନ୍ଦ ଏକ ନୁ୍ୟଜ ଚାନେଲରେ ପୋର୍ଟାଲରେ ସାମ୍ବାଦିକ ଭାବେ କାର୍ଯ୍ୟରତ ଥିଲେ । କିଛି ଦିନ ତଳେ ଅସୁସ୍ଥ ଅନୁଭବ କରିବାରୁ ସ୍ୱତଃ ପ୍ରବୃତ୍ତ ଭାବେ ସେ ନିଜକୁ ଘରେ ସଙ୍ଗରୋଧରେ ରଖିଥିଲେ । କିନ୍ତୁ ଅବସ୍ଥା ଗୁରୁତର ହେବାରୁ ମଙ୍ଗଳବାର କୋଭିଡ ପରୀକ୍ଷା କରିଥିଲେ । ରିପୋର୍ଟ ପଜିଟିଭ ଆସିବା ପରେ ସଙ୍ଗେ ସଙ୍ଗେ ତାଙ୍କୁ ବ୍ରହ୍ମପୁର ଏମକେସିଜି କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହା ପୂର୍ବରୁ ଗତ ସୋମବାର ତାଙ୍କ ବାପା କନ୍ଧ ଓ ମଉସା କାମରାକୁ ବି କୋଭିଡରେ ଆକ୍ରାନ୍ତ ସେଠାରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ । କିନ୍ତୁ ଗତକାଲି ହଠାତ ଗୋବିନ୍ଦଙ୍କ ସ୍ୱାସ୍ଥ୍ୟାବସ୍ଥା ବିଗିଡିବାରେ ଲାଗିବା ସହ ଅକ୍ସିଜେନ ସ୍ତର କମିଯାଇଥିଲା ଆଉ ଭୋର ୩ଟାରେ ସେ ଆଖି ବୁଜି ଦେଇଥିଲେ । ଏହାର ମାତ୍ର ୧୫ ମିନିଟ ପରେ ମଉସା କାମରାକୁ ଡାକୁଆ (୬୫) ବି ପ୍ରାଣ ହରାଇଥିଲେ । ଅନ୍ୟ ପକ୍ଷରେ ଚିକିଟିର ଏକ ଖବରକାଗଜ ପ୍ରତିନିଧି ତଥା ଯୁବ ସାମ୍ବାଦିକ ମନୋଜ କୁମାର ସାହୁଙ୍କର କରୋନାରେ ମୃତୁ୍ୟ ଘଟିଥିବା ଜଣାପଡ଼ିଛି । ଚିକିଟି ପେଣ୍ଠର ବାସିନ୍ଦା ମନୋଜ ଗତ କିଛି ଦିନ ହେଲା ଅସୁସ୍ଥ ଥିଲେ ମଙ୍ଗଳବାର ହଠାତ ତାଙ୍କ ଅବସ୍ଥା ସଂକଟା ପନ୍ନ ହେବା ସହ ଅମ୍ଳଜାନ ସ୍ତର କମି ଯାଇଥିଲା । ରାତିରେ ସଙ୍ଗେ ସଙ୍ଗେ ଏମକେସିଜି କୋଭିଡ ହସ୍ପିଟାଲକୁ ଅଣାଯିବା ପରେ ତାଙ୍କର ସ୍ୱାବ ନମୁନା ପରୀକ୍ଷା କରାଯାଇଥିଲା ।
